گه‌ڕان

Shadow Shadow
سیاسه‌تی

بەپەلە

پارێزگاری سلێمانی هۆکاری تەقینەوەکەی سلێمانی ئاشکراکرد ’’هێرشی درۆنی بووە؟’’

2022.11.17 - 21:27
App store icon Play store icon Play store icon
پارێزگاری سلێمانی هۆکاری تەقینەوەکەی سلێمانی ئاشکراکرد ’’هێرشی درۆنی بووە؟’’

 

ناس کورد- 

 

پارێزگاری سلێمانی ڕەتیدەکاتەوە، تەقینەوەکەی ئەمشەوی سلێمانی بەهۆی هێرشی درۆنییەوە بوبێت و دەڵێت، تیمەکانی ئاسایش ئەوەیان پشتڕاستکردووەتەوە کە تەقینەوەکە بەهۆی تەقینی تانکی غازەوە بووە.

 

کەناڵی ناس کورد لە تێلیگرام جۆین بکە   

 

هەڤاڵ ئەبوبەکر، پارێزگاری سلێمانی لە لێدوانێکی ڕۆژنامەوانیدا کە "ناس کورد" بینویەتی (پێنجشەممە 17-11-2022) لە شوێنی تەقینەوەکەی سلێمانی ڕایگەیاند، "بەگوێرەی زانیارییە سەرەتاییەکان 20 کەس لە ڕووداوەکەدا بوون، پێنج کەس دەرهێنراون، منداڵێک گیانی لەدەستداوە، ژمارەیەکی دیکەش لەژێر داروپەردووی خانووە ڕووخاوەکەدا ماون." 

 

هاوکات لەبارەی دەنگۆی ئەوەی تەقینەوەکە، بەهۆی هێرشی درۆنییەوە بوبێت، پارێزگاری سلێمانی ڕایگەیاند، "بەگوێرەی لێکۆڵینەوەکانی تیمی تەکنیکی ئاسایشی سلێمانی تەقینەوەکە بەهۆی تەقینی تانکی غازەوە بووە، نەوەک هێرشی درۆنی، ئێمە هاووڵاتیان لەوە دڵنیادەکەینەوە کە هیچ هێرشێک بوونی نەبووە." 

 

زیاتر بخوێنەرەوە؛ تەندروستیی سلێمانی حاڵەتی لەناکاوی ڕاگەیاند

 

 

لەلایەکی دیکەوە، بەوتەی کەسێکی نزیک ئەو ماڵە، لە خانووەکەدا 20 کەس هەبوون و زیاتر لە 10 کەسیان لەژێر داروپەردووی خانووەکەدا ماون، تاوەکو ئێستاش چوار کەس گیانی لەدەستداوە.