گه‌ڕان

Shadow Shadow
سیاسه‌تی

بەپەلە

تەندروستیی سلێمانی حاڵەتی لەناکاوی ڕاگەیاند

2022.11.17 - 20:40
App store icon Play store icon Play store icon
تەندروستیی سلێمانی حاڵەتی لەناکاوی ڕاگەیاند

ناس کورد- 

بەهۆی تەقینەوەکەی گەڕەکی کازیوەی دوو لە سلێمانی، سەرجەم نەخۆشخانەکان خرانە حاڵەتی ئامادەباشییەوە و دەوترێت، چەندین کەس برینداربوون و چەندی دیکەش لەژێر داروپەردووی خانووە ڕووخاوەکاندان. 

کەناڵی ناس کورد لە تێلیگرام جۆین بکە   

 

لە ڕاگەیەنراوێکدا د. سەباح هەورامی، بەڕێوەبەری گشتیی تەندروستیی سلێمانی، ڕایگەیاند، "هەموو نەخۆشخانەکان لە ئامادەباشی تەواودان بۆ چارەسەرکردنی بریندارەکانی تەقینەوەکەی پارێزگای سلێمانی کە بەهۆی تەقینی تەنکی غازی شلەوە روویداوە، بەهیوای سەلامەتی." 

 

هاوکات، عیرفان عەلی، بەڕێوەبەری کارگێڕی فریاکەوتنی سلێمانی لە لێدوانێکی تەلەفزیۆنیدا کە "ناس کورد" بینیویەتی (پێنجشەممە 17-11-2022) ڕایگەیاند، "ڕووداوەکە کاتژمێر 8:00ێ ئەمشەو ڕوویداوە و بەهۆی تەقینی تانکی غازەوە لە گەڕەکی کازیوەی دوو، دوو خانوو بەتەواوی ڕووخاون." 

 

بەگوێرەی زانیارییەکان، یەکێک لەو ماڵانە میوانیان هەبووە، هەربۆیە ماڵەکە قەرەباڵغ بووە و قوربانییەکان زۆرن. 

 

ئاماژەی بەوەشکرد، "تاوەکو ئێستا 15 بریندار گەیەنراونەتە نەخۆشخانە و چەند کەسێکیش لەژێر داروپەردووی خانووە ڕووخاوەکاندا ماون." 


بەوتەی شایەتحاڵەکان، تانکی غازی ئەو ماڵە لێی چووە و بەهۆیەوە ئەمشەو تەقیوەتەوە، دەشڵێن، "تەرمێک دەرهێنراوەتەوە و نزیکەی 15 کەسیش لەژێر داروپەردووی خانووەکاندان."