گه‌ڕان

Shadow Shadow
سیاسه‌تی

’’زەنگى مەترسیدار’’

ئەژى ئەمین: چەندین ئەفسەری باڵا و كادیری هەواڵگریی دەستگیرکران

2022.11.16 - 16:35
App store icon Play store icon Play store icon
ئەژى ئەمین: چەندین ئەفسەری باڵا و كادیری هەواڵگریی دەستگیرکران

ناس کورد-

 

ئەژى ئەمین راوێژکارى سەرۆکى ئەنجومەنى ئاسایشى هەرێمى کوردستان رایگەیاند، چەندین ئەفسەری باڵا و كادیری هەواڵگریی ئەنجومەنى ئاسایش دەستگیرکراون.

کەناڵی ناس کورد لە تێلیگرام جۆین بکە   

 

ئەژى ئەمین (16-11-2022) لە مەراسیمى چلەى کوژرانى عەقید هاوکار جاف لەوتەیەکدا بەناوى ئەنجومەنى ئاسایشەوە وتى "کارەساتى شەهیدبوونى عەقید هاوکار بە دەستێکى خیانەتکار و لەناوجەرگەى پایتەختى هەرێمدا بەو شێوازە دڕندانەیە، هەموومانى شۆککرد".

 

وتیشى "ئەو رووداوە زەنگێکى مەترسیدارە بۆ ئاسایشى ناوخۆى هەرێم و پایتەخت و بەرپرسیارێتى گەورە دەخاتە سەر هەموومان".

 

ئەژى ئەمین باسى لەوەشکرد، ئێستا كە ئەم وتارە پێشكەش دەكات، چەندان ئەفسەری باڵای ئەنجوومەنی ئاسایش و كادیری هەواڵگریی لێهاتوو، پاسەوانی ئاسایشی هەرێم، بەدەر لە هەموو یاسایەك، "لە لایەن ئەو تاقمە لە یاسا و لە حكومەت یاخییەوە گیراون و سزا دەدرێن".

 

رۆژی هه‌ینی (7ی تشرینی یه‌كه‌می 2022)، له‌ گه‌ڕەكی سه‌ربه‌ستی شاری هه‌ولێر له‌رێگه‌ی بۆمبی لكێندراوه‌وه‌ ئۆتۆمبێلی عەقيد هاوكار ته‌قێندرایه‌وه‌، به‌وهۆیه‌وه‌ گیانی له‌ده‌ستدا و چوار کەسی دیکە لە ئەندامانی خێزانەکەی برینداربوون. 

 

ئەنجومەنى ئاسایشى هەرێم رووداوەکەى خستە ئەستۆى دژە تیرۆرى یەکێتى و دژە تیرۆریش ئەوەى رەتکردەوە.