ناس کورد-
مەزڵوم عەبدی، فەرماندەی گشتیی هێزەکانی سوریای دیموکرات جەختیکردەوە کە "هێزەکانمان هیچ پەیوەندییەکیان بە تەقینەوەکەی ئیستەنبوڵەوە نییە و ئەو بانگەشانەش ڕەتدەکەینەوە کە هێزەکانی ئێمە بە تێوەگلان تۆمەتباردەکات."
کەناڵی ناس کورد لە تێلیگرام جۆین بکە
مەزڵوم عەبدی لە تویتێکدا (14ی تشرینی دووەمی 2022) سەرەخۆشی خۆی بۆ بنەماڵەی کوژراوان و گەلی تورکیا ڕاگەیاند و داوا زوو چاکبوونەوەشی بۆ بریندارەکان کرد.
إننا نؤكد أن قواتنا ليست لها أية علاقة بتفجير اسطنبول، ونرفض المزاعم التي تتهم قواتنا بذلك.
— Mazloum Abdî مظلوم عبدي (@MazloumAbdi) November 14, 2022
نعبّر عن خالص تعازينا لأهالي المفقودين والشعب التركي، ونرجو للجرحى الشفاء العاجل.
هەر ئەمڕۆ ناوەندى پاراستنی گەل ڕایگەیاند، تەقینەوەكەی ئەستەنبوڵ هیچ پەیوەندییەكی بەئەوانەوە نییە.
ناوەندى پاراستنی گەل (نەپەگە) لە ڕاگەیەنراوێکدا ڕایگەیاند: "ئێمە هیچ پەیوەندییەکمان بەو ڕووداوەوە نییە، ئێمە ڕاستەوخۆ هاوڵاتی مەدەنی بە ئامانج ناگرین و هەرچالاكییەك كە هاوڵاتی مەدەنی بە ئامانج بگرێت قبوڵی ناكەین".
دەشڵێت: "لەناو توركیادا بە ئامانجگرتنی هاوڵاتی مەدەنی لەلایەن ئێمەوە نا مومكینە و ئاشكرایە لەبەرامبەر تێكۆشینی ڕەوای ئێمەدا، ڕژێمی ئاكەپە و مەهەپە تەنگەتاوبووە، بەتایبەتی ئاشكرابوونی بەكارهێنانی چەكی كیمیایی و سوتاندنی سەربازانی خۆیان".
دوێنێ دوای تەقینەوەکە، سولەیمان سۆیلۆ، وەزیری ناوخۆی تورکیا ڕایگەیاند، "ئەنجامدەری تەقینەوەکەی شەقامی ئیستقلالی ئیستانبوڵ دەستگیرکراوە کە بەگوێرەی لێکۆڵینەوەکان لە عەفرینەوە هاتووەتە ناو خاکی تورکیا و بڕیاری تەقینەوەکە لە کۆبانێ دراوە".
ئاماژەی بەوەشکردووە، "بەگوێرەی ئەو بەڵگانەی دەستمان کەوتوون پەکەکە و پەیەدە لە تەقینەوەکە بەرپرسیارن".
زیاتر بخوێنەرەوە؛ وێنەى گومانلێکراوى تەقینەوەکەى ئەستەنبوڵ بڵاوکرایەوە
ئێوارەی دوێنێ یەکشەممە (13ی تشرینی دووەمی 2022) تەقینەوەیەک شەقامی ئیستقلالی شاری ئیستانبوڵی هەژاند و بەهۆیەوە شەش کەس گیانیان لەدەستدا و زیاتر لە 80 کەسی دیکەش برینداربوون.
