گه‌ڕان

Shadow Shadow
سیاسه‌تی

زانیارى زیاتر

تورکیا ناسنامەى ’’ئەنجامدەرى’’ تەقینەوەکەى ئاشکراکرد و سەرەخۆشى ئەمەریکاشى رەتکردەوە

2022.11.14 - 12:12
App store icon Play store icon Play store icon
تورکیا ناسنامەى ’’ئەنجامدەرى’’ تەقینەوەکەى ئاشکراکرد و سەرەخۆشى ئەمەریکاشى رەتکردەوە

ناس کورد-

 

تورکیا ناسنامەى ئەنجامدەرى تەقینەوەکەى ئەستەنبوڵى ئاشکراکرد و سەرەخۆشى ئەمەریکاشى رەتکردەوە.

کەناڵی ناس کورد لە تێلیگرام جۆین بکە   

 

ئاسایشی تورکیا (14-11-2022) لە راگەیەنراوێکدا ڕایگەیاند، "ئەو ژنەی دەستی لە تەقینەوەکەی ئەستەنبوڵدا هەبووە، دانی بەوەدا ناوە کە لەسەر ڕێنماییەکانی پەکەکە هێرشەکەی ئەنجامداوە".

  

وتیشى "کاتژمێر 2:50 خولەکی سەرلەبەیانی، ئەو ژنە بە ناوی ئەحلام بەشیر، کە خاوەنی ڕەگەزنامەی سوریایە، لە ماڵێکدا لە ناحیەی ئەسنلەر لە ئەستەنبوڵ دەستگیر کرا".

 

لای خۆیەوە، سولەیمان سۆیلۆ، وەزیری ناوخۆی تورکیا ڕایگەیاند، "ئەوەى هێرشەکەى ئەنجامداوە لە باکوری سوریاوە هاتووە، ڕێنمایی لە یەکینەکانی پاراستنی گەل/پەکەکە لە شاری کۆبانی لە باکووری سوریا وەرگرتووە، پلانی هەبووە بۆ یۆنان هەڵبێت”.

 

ئاماژەی بەوەشکرد "چاودێری پەیوەندییەکمان کرد کە تیایدا ڕێنمایی ئەندامانی شانەکە دەکرا بۆ کوشتنی ئەنجامدەرەکە بۆ ئەوەی وردەکارییەکە ئاشکرا نەبێت، بەڵام ئێمە ئەو کەسەمان دەستگیرکرد کە دەیویست ئەنجامدەرى تەقینەوەکە بکوژێت".

 

سۆیلو باسى لەوەشکرد، وڵاتەکەی سەرەخۆشی باڵیۆزخانەی ئەمریکا قبوڵ ناکات "ئێمە سەرەخۆشی لە باڵیۆزخانەی ئەمریکا قبوڵ ناکەین و ڕەتیدەکەینەوە، ئێمە دەزانین کێ پاڵپشتی تیرۆر دەکات لە باکوری سوریا".