گه‌ڕان

Shadow Shadow
سیاسه‌تی

بناری قەندیل.. بەهۆی بۆردومانی فڕۆکەکانی تورکیا هاوڵاتییەک برینداربوو [وێنە]

2019.08.19 - 11:21
بناری قەندیل.. بەهۆی بۆردومانی فڕۆکەکانی تورکیا هاوڵاتییەک برینداربوو [وێنە]
ناس کورد - سابیر عەبدوڵڵا بەهۆی بۆردومانی فڕۆکەکانی تورکیا لە بناری قەندیل، هاوڵاتییەک بە سەختی برینداربوو و زیانی ماددی زۆریش بەر رەز و خانووی گوندنشینان کەوت. . نەهرۆ عەبدوڵا بەڕیوەبەری ناحیەی سەنگەسەر سەر بەقەزای پشدەر بە پەیامنێری ناس کوردی  ڕاگەیاند " سەرلەبەیانی ئەمڕۆ دووشەممە 19ی ئابی 2019، فڕۆکە جەنگییەکانی تورکیا لەبناری قەندیل، بۆردومانی گوندی بۆڵێیان کردووە. . بەڕیوەبەری ناحیەی سەنگەسەروتی بەهۆی بۆردومانەکەوە هاوڵاتییەک بە ناوی عەبدوڵڵا  مەولود،  تەمەن ٦٠ ساڵ  بەسەختی بریندار بووە". . وتیشی: "بەهۆی بۆردومانەکەوە خانوی چەند هاولاتییەک ڕووخاون و زیانی زۆریان پێگەیشتووە و  چەندین دۆنم رەز و پاوانیش سوتاون." . هاوکات، هاوڵاتییەکی گوندی بۆڵی بە ناوی عەلی قادر بە پەیامنێری ناس کوردی وت: "کەمێک بەر لە بۆردومانەکە ئەو هاولاتییەی بریندار بووە سەرقاڵی ڕشاندنی دەرمان بووە لە ناو زەرعاتەکەیدا." . ئەو  هاوڵاتیە وتیشی: "فڕۆکەی جەنگییەکان بەردەوام بە  بەسەر ئاسمانی قەندیلەوە دەسوڕێنەوە و ترس و دڵە ڕاوکێی زۆریام لای هاوڵاتیانی سنورەکە دروست کردووە، بەجۆرێک  هاولاتیان تەنانەت ناتوانن بەهانای بریندار و زیان لێ کەوتوانیشەوە بچن." . ئەم بۆردومانەی سوپای تورکیا لەکاتێکدایە کە هەر ئەمرۆ فڕۆکە جەنگیەکانی تورکیا  بە خەستی لە سنوری برا دۆستیش یان بۆردومان کردووە و بەهۆیەوە زیامی زۆر بە پوس و پاوان و ژینگەی ناوچەکە گەیشتووە.