گه‌ڕان

Shadow Shadow
سیاسه‌تی

زیاتر بزانە

دەستەی کارگێڕی و ئەندامانی مەکتەبی سیاسیی پارتی هەڵدەبژێردرێن

2022.11.12 - 08:16
App store icon Play store icon Play store icon
دەستەی کارگێڕی و ئەندامانی مەکتەبی سیاسیی پارتی هەڵدەبژێردرێن

ناس کورد-

بڕیارە ئەمڕۆ شەممە یەکەم کۆبوونەوەی کۆمیتەی ناوەندیی پارتی دیموکراتی کوردستان ئەنجامبدرێت و بەرپرس و دەستەی کارگێڕی و ئەندامانی مەکتەبی سیاسی دیاربکرێن.

کەناڵی ناس کورد لە تێلیگرام جۆین بکە   

 

هیوا گەیلانی، ئەندامی کۆمیتەی ناوەندیی پارتی بە میدیای حزبەکەی ڕاگەیاند، ئەمڕۆ شەممە، 12ی تشرینی دووەمی 2022، یەکەم کۆبوونەوەی کۆمیتەی ناوەندیی پارتی دوای کۆنگرەی 14 بە سەرپەرشتی مەسعود بارزانی ئەنجام دەدرێت، کۆبوونەوەکە بۆ دیاریکردنی بەرپرسی دەستەی کارگێڕی و چوار کارگێڕی مەکتەبی سیاسی و 15 بۆ 17 ئەندامی مەکتەبی سیاسی دەبێت.

 

ئەو ئەندامەی کۆمیتەی ناوەندیی پارتی ئاماژەی بۆ ئەوەشکرد، میکانیزمی دەستنیشانکردنی ئەندامانی مەکتەبی سیاسی بە هەڵبژاردن دەبێت.

 

ڕۆژی 3ی تشرینی دووەمی 2022، پارتی دیموکراتی کوردستان 14 کۆنگرەی لە دهۆک بەست، لە کۆنگرەدا مەسعود بارزانی بە سەرۆکی پارتی هەڵبژێردرایەوە و هەر یەک لە نێچیرڤان بارزانی و مەسرور بارزانی وەک جێگری سەرۆک هەڵبژێردران.

 

پارتی لە کۆنگرەی 14دا چەند گۆڕانکارییەکی لە پەیڕە و پڕۆگرامدا کرد، هەروەها گۆڕانکاری لە هەیکەلیەتی حزبیدا کرد، ناوی ئەنجومەنی سەرکرایەتی پارتی بۆ کۆمیتەی ناوەندی گۆڕدرا، بڕیاریشدرا بەرپرس و دەستەی کارگیڕی بۆ مەکتەبی سیاسی دیاربکرێت، لە ئۆرگانەکانی دیکەش لە رووی جۆر و ژمارەی بەرپرسەکان گۆڕانکاری کراوە.

 

دەستەی کارگیڕی بۆ مەکتەبی سیاسی دیاربکرێت، لە ئۆرگانەکانی دیکەش لە رووی جۆر و ژمارەی بەرپرسەکان گۆڕانکاری کراوە.