ناس کورد-
لە گەڕەکی بەکرەجۆی شاری سلێمانی، کوڕێک لە ماڵەوە دایکی کوشت و دواتر لە گۆڕستانی عەواڵ کۆتایی بە ژیانی خۆیشی هێنا.
کەناڵی ناس کورد لە تێلیگرام جۆین بکە
بەگوێرەی زانیارییەکانی "ناس کورد" ئەو کوڕە، دوێنێ پێنجشەممە لە ماڵەوە دایکی خۆی کوشتووە و کەس پێی نەزانیوە، دواتر لەکاتەکانی ئێوارەی ئەمڕۆ هەینی 11-11-2022، چووەتە گۆڕستانی عەواڵ و کۆتایی بە ژیانی خۆشی هێناوە.
ناس کورد زانیویەتی، کوڕەکە پێش ئەوەی خۆی بکوژێت، پەیوەندیی بە کەسوکارییەوە کردووە و پێی وتوون کە خۆی دەکوژێت، تەنانەت کەسوکارەکەی لە تەلەفۆنەکەوە گوێیان لە دەنگی تەقەی خۆکوشتنەکەی بووە.
تاوەکو ئێستا هۆکاری ڕووداوەکە ئاشکرا نییە و هێزە ئەمنییەکان لە شوێنی رووداوەکانن و لێکۆڵینەوە دەکەن.
