ناس کورد-
ئەندامێکى لیژنەى نەزاهەى پەرلەمانى عێراق داوا لە دەسەڵاتى دادوەرى هەرێمى کوردستان و مەسعود بارزانى دەکات داواکراوێک رادەستى بەغدا بکەن کە تۆمەتبارە بە "دزینى" 650 ملیار دینار لە پارەى باج.
کەناڵی ناس کورد لە تێلیگرام جۆین بکە
عالیە نوسەیف (9-11-2022) لە تویتێکدا داواى رادەستکردنى داواکراو "حسێن کاوە" ى کردووە لە دەسەڵاتى دادوەرى هەرێمى کوردستان و مەسعود بارزانى، کە بەوتەى ئەو تۆمەتبارە بە "دزینى" 650 ملیار دینار لە پارەى باج.
ئاماژەى بەوەشکردووە، هاریکارى لەگەڵ دەستەى نەزاهە لەو بارەیەوە ئەرکێکى ئەخلاقى و یاساییە.
بەپێی سەرچاوەکان، لە دۆسیەى بردنى دوو ملیار و نیو دۆلارى داهاتى باجی عێراقدا، کۆمپانیایەکی ساختە بەناوی گەنجێکی کوردەوە کە تەمەنی 21 ساڵە بڕی 624 ملیار دیناری ڕاکێشاوە، لەکاتێکدا سەرمایەى کۆمپانیاکە ملیۆنێک دینار بووە.
