پەیامێک لە یەکێتییەوە بۆ پارتى لەبارەى ’’بڕیارەکانى کۆنگرە’’

ناس کورد-

یەكێتی نیشتیمانى کوردستان هیواى خواست راسپاردە و بڕیارەکانى کۆنگرەى پارتى بە قازانجی تەبایی و حکومڕانییەکی باشتر بووبێت، ئەوەش لەپەیامێکدا بۆ ئەو حزبە کە بەبۆنەى کۆتایی هاتنى کۆنگرەوە ئاڕاستەى کردووە.

کەناڵی ناس کورد لە تێلیگرام جۆین بکە   

مەکتەبی سیاسی یەکێتیی لەپەیامێکدا بۆ پارتى (7-11-2022)  پیرۆزبایی سەرکەوتنی کۆنگرەی چواردەمینی پارتى و هەڵبژاردنی سەرکردایەتی نوێی کردووە.

دەقى پەیامەکە:

بەڕێزان  کۆمیتەی ناوەندیی نوێی پارتی دیموکراتی کوردستان

پاش رێزو سڵاو

بەناوی یەکێتی نیشتمانیی کوردستانەوە پیرۆزبایی سەرکەوتنی کۆنگرەی چواردەمینی پارتەکەتان  و هەڵبژاردنی سەرکردایەتی نوێی پارتی دیموکراتی کوردستانتان لێ دەکەین .

ئومێدمان وایە  راسپاردەو بڕیارەکانی کۆنگرە  بە قازانجی سەرخستنی ئەزموونی گەلەکەمان و تەبایی  و حکومڕانییەکی باشتر و شایانی هاووڵاتیانی کوردستان بوو بێت .

مەکتەبی سیاسی یەکێتیی نیشتمانیی کوردستان