ناس کورد-
بەڕێوەبەرایەتی ئاسایشی پارێزگای سلێمانی رایگەیاند، مۆڵەت و ڕێکارەکانی بەکارهێنانی درۆن رێکدەخاتەوە، هۆشداریشدەدات لە دەستبەسەرداگرتنیان ئەگەر بێ مۆڵەت بەکاربهێنرێن.
کەناڵی ناس کورد لە تێلیگرام جۆین بکە
ئاسایش (1-11-2022) لە راگەیەنراوێکدا داواى لە سەرجەم بەکارهێنەرانی ئامێری ( درۆن ) دەکات لە سنووری پارێزگای سلێمانی و دەوروبەری سەردانی بەڕێوەبەرایەتی ئاسایشی پارێزگای سلێمانی بکەن بۆ تۆمارکردنی ئامێرەکانیان و پێدانی ڕێنمایی لەسەر ڕێکارەکانی بەکارهێنانی.
دەقى راگەیەنراوەکە:
ڕاگەیەندراوی بەڕێوەبەرایەتی ئاسایشی پارێزگای سلێمانی بەمەبەستی ڕێکخستنەوەی مۆڵەت و ڕێکارەکانی بەکارهێنانی ( درۆن ) :
ئاسایشی پارێزگای سلێمانی ئاگاداری سەرجەم بەکارهێنەرانی ئامێری ( درۆن ) دەکات لە سنووری پارێزگای سلێمانی و دەوروبەری سەردانی بەڕێوەبەرایەتی ئاسایشی پارێزگای سلێمانی بکەن بۆ تۆمارکردنی ئامێرەکانیان و پێدانی ڕێنمایی لەسەر ڕێکارەکانی بەکارهێنانی.
بەپێچەوانەوە بەکارهێنانی بەبێ مۆڵەت ڕووبەڕووی سزای یاسایی دەبنەوە و دەست بەسەر ئامێرەکەیاندا دەگیرێت.
سوپاس و پێزانینی خۆمان ئاڕاستەی دانیشتوانی شاری سلێمانی دەکەین کە بەردەوام هاوکارمان بوون لە پێدانی زانیاری بۆ پاراستنی ئاسایش و ئارامی هاوڵاتیان.
داواکارین لەکاتی بینینی ( ئامێری درۆن ) دا پەیوەندی بکەن
بە هێڵی گەرمی ژمارە ١٠٦ ی بەڕێوەبەرایەتیمان .
