ناس کورد-
نەرمین مەعروف، پەرلەمانتاری یەکێتی لە بەغدا و ئەندامی لیژنەی دارایی دەڵێت، "چەند ڕۆژێک لەمەوبەر وەک لیژنەی دارایی پەرلەمان، پرسیارمان لە پارێزگاری بانكی ناوەندی كرد سەبارەت بە دەنگۆی دابەزاندنی بەهای دۆلار بەرامبەر بە دینار، لە وەڵامدا کە لە دووتوێی ڕاپۆرتێكدا ناردوویانە جەختەکاتەوە کە بە نیاز نییە گۆڕانكاری لە بەهای دۆلاردا بکات".
کەناڵی ناس کورد لە تێلیگرام جۆین بکە
نەرمین مەعروف ئەو ڕاپۆرتەی خستووەتەڕوو کە بانکی ناوەندی ناردوویانە بۆ لیژنەکە و دەڵێت لەبەر چەند هۆکارێک نرخەکەی دانابەزێنن؛
یەکەم: نرخی ئێستای دۆلار کۆمەڵێک دەرەنجامی پۆزەتیڤی هەبووە و تارادەیەکی باش كورتهێنانی لە بودجەی حکومەت کەمکردووەتەوە وێڕای ئەوەی حکومەت لەو رێگەیەوە توانیویەتی بەشێك لە قەرزە ناوخۆیی و دەرەکییەکانیشی بداتەوە.
دووەم: گۆڕانكاریكردن لە نرخی دۆلار لەماوی لێک نزیکدا ناجێگیری دروستدەکات لە بازاڕی دراو و دەبێتە مایەی بێ متمانەیی بە دینار و دروستکردنی كاریگەریی خراپ لەسەر چالاکی ئابووری و رەوشی وەبەرهێنان و زیادبوونی چالاکی مضاربە بە دراو.
سێیەم: دابەزاندنی بەهای دینار بەرامبەر بە دۆلار بۆ بەهێزکردنی توانای کێبڕکێی بەرهەمی خۆماڵی و کەمکردنەوەی خواستە لەسەر هاوردەی بیانی.
نەرمین مەعروف دەشڵێت، "سەبارەت بە کاریگەرییە خراپەکانی نرخی ئیستای دۆلار لەسەر ژیان و گوزەرانی خەڵك بەتایبەت بۆ كەمدرامەتەكان، بانکی ناوەند پێی وایە دەکرێت حکومەت لەرێگەی بەخشینی کۆمەک و هاوكاریی بۆ ئەو توێژانە وە هەروەها لەرێگەی باشترکردنی کۆبۆنی خۆراک کاربکات بۆ كەمكردنەوەی لێكەوتەكانی بەرزبوونەوەی بەهای دۆلار نەک گێڕانەوەی بۆ نرخە کۆنەکەی."
