ناس کورد-
دەزگایەکى خێرخوازى رایگەیاند، "مافیاکانی گیرفان و پارە" پڕۆژەى دروستکردنى مزگەوتێکى گەورەیان لە هەولێر وەستاندووە و دەیانەوێت بیڕوخێنن.
کەناڵی ناس کورد لە تێلیگرام جۆین بکە
دەزگاى خێرخوازی حاجی ئیدریس (24-10-2022) لە راگەیەنراوێکدا ئاماژەى بەوەکردووە، دەزگاکە هەڵساوە بە دروستکردنی مزگەوتی دریم ستی کە چوار منارەی بەرز لەخۆ دەگرێ بە قوڵایی 50 مەتر لە ژێر زەوی و 46 مەتر لەسەر زەوی کە تا ئێستا زیاتر لە 900،000$ خەرجکردووە.
دەشلێت "بەڵام دیارە مافیاکانی گیرفان و پارە ئەم پرۆژە گەورەیان وەستاندووە دەیانەوێ بیروخێنن بەمەبەستی گۆڕینی شوێنەکەی بە شوێنێکی تر کە شیاو نیە و پارە ناکات تەنها بۆ پارە".
دەقى راگەیەنراوەکە:
بەرێز سەرۆکی هەرێمی کوردستان
بەرێز سەرۆکی حکومەتی هەرێم
بەرێز سەرۆکی دادگای تێهەڵچونەوەی هەرێم
بەرێز سەرۆکی پەرلەمان
بەرێز جەنابی والی هەولێر
بەرێز وەزیری ئەوقاف و کاروباری ئاینی
بەڕێز بەرێوەبەری گشتی وەبەرهێنان
کۆمەڵانی خەڵکی هەرمی کوردستان و موسلمانانی هەرێم
دانیشتونی شاری هەولێری سولتان موزەفەر
مامۆستایانی ئاینی و میمبەر دۆستانی پێغەمبەر
(داواکاری و هەڵوێست )
دەزگای خێرخوازی حاجی ادریس سورچی هەڵساوە بە دروست کردنی مزگەوتی دریم ستی کە چوار منارەی بەرز لەخۆ دەگرێ بە قوڵایی 50متر لە ژێر زەوی و 46متر لەسەر زەوی کە تا ئێستا زیاتر لە 900،000$ لێ سەرف کرایە.
بەڵام دیارە مافیاکانی گیرفان و پارە ئەم پرۆژە گەورەیان وەستاندووە دەیانەوێ بیروخێنن بەمەبەستی گۆڕینی شوێنەکەی بە شوێنێکی تر کە شیاو نیە و پارە ناکات تەنها بۆ پارە.
بۆیە هیواخوازم بۆ بەرز راگرتنین ناوی خودا بهێنە سەر هێل و رێگەنەدەن بۆ بەرژەوەندی گیرفانی کە کەسانێک و پارە ئیمانمان لەکەدار بکرێت .
ئیتر لە ئێوەی گەورە چاوەرێی هەڵوێستین بەتایبەت چونکە حکومەت حکومەتی چاکسازیە.
