ناس کورد-
لە ڕوونکردنەوەیەکدا، دەستەی گشتیی ناوچە کوردستانییەکانی دەرەوەی ئیدارەی ھەرێمی کوردستان ڕایگەیاند، "بەیانیی ئەمڕۆ پەیجی فەرمیی دەستەکەمان و ئەدمینی پەیج لەلایەن دەستێکی نادیارەوە ھاک کراون و لەژێر دەسەڵاتی ئێمە نەماوە."
کەناڵی ناس کورد لە تێلیگرام جۆین بکە
دەقی ڕوونکردنەوەکە:
ڕوونکردنەوەیەک لە دەستەی گشتی ناوچە کوردستانییەکانی دەرەوەی ئیدارەی ھەرێم بۆ ئاگاداری گشت لایەک
ئەمڕۆ ھەینی کاتژمێر ٩ ـی بەیانی (لاپەڕە) پەیجی فەرمیی دەستەکەمان و ئەدمینی پەیج لەلایەن دەستێکی نادیارەوە ھاک کراون و لەژێر دەسەڵاتی ئێمە نەماوە. بۆیە بە پێویستی دەزانین ئێوەی بەڕێزی لێ ئاگادار بکەینەوە کە ھەر بابەتێک لەم پەیجە بڵاوکرایەوە، ئەوا دەستەکەمان لێی بەرپرس نییە.
ئێستاش لەگەڵ فەرمانگەی میدیا و زانیاری و فەرمانگەی تەکنەلۆژیای زانیاری لە پەیوەندیدان لەگەڵ کۆمپانیای مێتا بۆ گەڕاندنەوەی پەیجەکەمان.
٢١ ـی ١٠ ـی ٢٠٢٢
دەستەی گشتیی ناوچە کوردستانییەکانی دەرەوەی ئیدارەی ھەرێمی کوردستان
