پارتى شێوازى دابەشکردنى پۆستەکانى حکومەتى نوێ ئاشکرادەکات

ناس کورد-

سەرۆکی فراکسیۆنی پارتی لە پەرلەمانى عێراق رایگەیاند، دابەشکردنى پۆستەکانى حکومەتى نوێی عێراق بەپێی خاڵ دەبێت و پشکى کورد 20-22% دەبێت.

کەناڵی ناس کورد لە تێلیگرام جۆین بکە   

 ڤیان سەبری (18-10-2022) بۆ رادیۆى رووداو وتى "دابەشکردنی پۆستەکان بەگوێرەی خاڵ دەبێت، بۆنموونە: سەرۆکایەتیی کۆمار 30 خاڵ و جێگر 25 خاڵ و وەزیر 20 خاڵ. بەگوێرەی پێگەی کورد لە پەرلەمانی عێراق، پشکی کورد لە پۆستەکاندا 20٪ تاوەکو 22٪ دەبێت".

وتیشى "سودانی پێشتر بەڵێنی دابوو لە ماوەی هەفتەیەک یان دوو هەفتە کابینەکەی ئامادەبێت بۆ متمانەپێدانی لە لایەن پەرلەمانەوە، بەڵام تاوەکو ئێستا دیار نییە پەرلەمان چ رۆژێک متمانە بە کابینەکەی دەدات، چونکە دەبێت پیشتر دانیشتنێکی پەرلەمان بکرێت و کارنامەی حکومەت بخوێندرێتەوە، دواتر دەنگ لەسەر وەزیرەکان بدرێت".

بەوتەی سەرۆکی فراکسیۆنی پارتی، بڕیارە لە رۆژانی داهاتوودا لەسەر پرسی پەیوەندییەکانی هەولێر و بەغدا و کارنامەی حکومەتەکەی، سودانی سەردانی هەرێمی کوردستان بکات.