گه‌ڕان

Shadow Shadow
سیاسه‌تی

وێنە و زانیارى

بکوژێکى مەترسیدار لە سلێمانى دەستگیرکرا

2022.10.18 - 19:46
App store icon Play store icon Play store icon
بکوژێکى مەترسیدار لە سلێمانى دەستگیرکرا

ناس کورد-

 

ئاسایشى سلێمانى دەستگیرکردنى کەسێکى راگەیاند کە ساڵى 2018 هاوڵاتییەکى لەشەقامى سالم کوشتووە و پلانى بۆ کوشتنى کەسێکى تر داناوە.

کەناڵی ناس کورد لە تێلیگرام جۆین بکە   

 

بەپێی راگەیەنراوێکى ئاسایش، ئەو تۆمەتبارە دواى کوشتنى هاوڵاتییەک هەڵهاتووە بۆ تورکیا و ئێران، رۆژی ١٣ / ١٠ / ٢٠٢٢ بە قاچاغ گەڕاوەتەوە سلێمانی و پیلانى داناوە بۆ کوشتنی ھاوڵاتی ( ب ، ئ ).

 

دەقى راگەیەنراوەکە:

 

رۆژی ٩ / ٤ / ٢٠١٨ ھاوڵاتی (جەزا ئەحمەد سەعید ) لەلایەن تاوانبار ( ئیدریس ئیبراھیم صابر كەریم ) لەبەردەم تەلاری سالم لە شەقامی سالم لە شارى سليمانى  بەچەکی جۆری دەمانچە دەکوژرێت و پاش ئەنجامدانی تاوانەکە لەدەست ھێزە ئەمنییەکان ھەڵدێت بۆ وڵاتی تورکیا، لەلایەن بەڕێز دادوەری لێکۆڵینەوەی کەرتی ڕزگاری بەپێی مادەی ( ٤٠٦ ) لەیاسای سزادانی عیراقی بڕیاری دەستگیرکردنی بۆ دەردەچێت.

 

سەرەڕای خۆبەدەستەوەنەدانی و ھەڵھاتنی لە یاسا و پەند وەرنەگرتنی لە تاوانەکەی،  بە مەرامی ئەنجامدانی  تاوانێکی تری کوشتن بە پاسپۆرتێکی ساختەی عیراقی خۆی دەگەیەنێتە کۆماری ئیسلامی ئێران و رۆژی ١٣ / ١٠ / ٢٠٢٢ بە قاچاغ دەگەڕێتەوە سلێمانی و پیلان دادەنێت بۆ کوشتنی ھاوڵاتی ( ب ، ئ ) .

 

پاش دەستکەوتنی زانیاری لەسەر ئەم کەیسە ھێزەکانمان دەستیان بە لێکۆڵینەوە کرد،  پاش ڕەزامەندی بەڕێز دادوەری لێکۆڵینەوەی ئاسایش بە بڕیاری بەڕێوەبەری ئاسایشی پارێزگای سلێمانی تاوانبار خرایە ژێر  چاودێری و لە رۆژی ١٤ / ١٠ /٢٠٢٢ لەگەڵ چەند تۆمەتبارێکی تر دەچێتە بەردەم دوکانی کەسی مەبەست بۆ  ئەنجامدانی تاوانەکەی بەڵام لەلایەن ھێزەکانمانەوە دەستگیرکرا سەرەڕای ئەوەی روبەڕووی تیمەکەی ئاسایش بوووە ، سەرئەنجام قۆڵبەستکراو لەگەڵ تۆمەتبارانی تری پەیوەست بەم ڕووداوە رادەستی یاسا کرا تا ئەم کەیسە ڕێڕەوی یاسایی خۆی وەربگرێت .

 

بەڕێوەبەرایەتی ئاسایشی پارێزگای سلێمانی

 

May be an image of ‎1 person and ‎text that says "‎ASAISH سلیمانی پاریزگای ناسایشی رایه_تی به_رِيوهبه ناوشار ناسایشی ريتی بهريوهبه ASAISH SULAYMANIYAH የማም RITY ASAISH SH DIRECTORATE CI ASAISI SAISH ASAISH ASAISH 0 ASAISH ASAISH 四 ॐগ 200 RAJS 200‎"‎‎