گه‌ڕان

Shadow Shadow
سیاسه‌تی

زانیاریی زیاتر

به‌ڕێوه‌به‌رى پێشووی پاراستنى پارتى هۆشداری ده‌دات‌ و مه‌ترسییه‌ك ئاشكرا ده‌كات

2022.10.17 - 08:56
App store icon Play store icon Play store icon
به‌ڕێوه‌به‌رى پێشووی پاراستنى پارتى هۆشداری ده‌دات‌ و مه‌ترسییه‌ك ئاشكرا ده‌كات

ناس کورد-

به‌ڕێوه‌به‌رى پێشووی ئاژانسى پاراستنى پارتى له‌باره‌ى ڕوداوه‌كانى 16ى ئۆكتۆبه‌ره‌وه‌ قسه‌ى جیاواز ده‌كات‌ و دەڵێت، "ئەگەر لەسەر شێوازی ڕابڕدوو بەردەوامبین، بێگومان هەرێمی کوردستان ڕوبەڕوی ئاڵه‌نگاریی‌ و هەڕەشەی ڕاستەقینە دەکەینەوە".

کەناڵی ناس کورد لە تێلیگرام جۆین بکە   

 

نەزهەت حالی، به‌ڕێوه‌به‌رى پێشووی ئاژانسى پاراستنى پارتى  لە نوسینێکدا لە فەیسبوکی خۆی ڕایگەیاند، "ڕووداوی ١٦ ئۆکتۆبەر، ڕووداوێکی زۆر ناخۆش و پڕ لە زیان بوو بۆ گەلی کورد، وەکو هەموو ڕووداوە سیاسی و ئەمنییەکان ئەو ڕووداوەش لە بۆشایی دروست نەبوو و چەندین هۆکاری لە پشتەوە بوون."

 

ئاماژەی بەوەشکردووە، " پێم وایە لە هەموو هۆکارەکان گرنتر لاوازی دامەزراوە نیشتمانییەکانی کوردستان بوو لە هەمبەر دامەزراوە حزبییەکان، لەو کاتدا و بە داخەوە لە ئێستاشدا هێشتا دامەزراوە نیشتمانییەکان لاوازن و ئامانجە نیشتمانییەکانمان لەبەر ڕکابەری و ئامانجە حزبییەکان لێ ون بوون، ئەوەندی خەریکی یەکتر شکاندن و تاوانبار کردنی یەکترین، خەریکی بەهێز کردنی هەرێم نین."

 

ئەوەشی خستووەتەڕوو، "هەروەها نەمانتوانیوە بە بابەتیانە و بە زانستیانە لەو ڕووداوە بکۆڵینەوە و بە دروستی شی بکەینەوە و لە هۆکارەکانی ڕوودانی بکۆلینەوە بۆ ئەوەی ڕی بگرین لە دووبارە بوونەوەی ڕووداوی هاوشێوە لە داهاتوو." 

 

ئەو بەرپرسەی پارتی جەختیکردووەتەوە، "  ئەگەر لەسەر شێوازی ڕابڕدوو بەردەوام بین بێگومان هەرێمی کوردستان ڕووبەڕووی ئالنگاری و هەڕەشەی ڕاستەقینە دەکەینەوە کە ڕەنگە سەقامگیری و بوونی هەرێم بکەوێتە بەر مەترسی، هەر بۆیە یەکگرتووی و وریای پێویستە و دەبێت دامەزراوە نیشتمانییەکان بە دروستی و بە کردەیی نیشتمانی بن."