گه‌ڕان

Shadow Shadow
سیاسه‌تی

زیاتر بزانە

محەمەد حاجی مەحمود داوای جوڵاندنی هێز دەکات: لە چەند سەعاتێکدا دەگەین

2022.10.12 - 08:42
App store icon Play store icon Play store icon
محەمەد حاجی مەحمود داوای جوڵاندنی هێز دەکات: لە چەند سەعاتێکدا دەگەین

ناس کورد-

محەمەد حاجی مەحمود، سەرۆکی پارتی سۆسیال دیموکراتی کوردستان لەبارەی دۆخی خانەقین و هەوڵی تەعریبکردن، داوا لە حکومەتی هەرێم و وەزارەتی پێشمەرگە دەکات "ئەگەر حکومەت ناتوانێت هێز بەکاربهێنێت، ئەوا داواتان لێ ئەکەین رێگای هێزەکانی پارتی سۆسیالیست بدەن لە ماوەی چەند سەعاتێکدا دەگەینە شاری خانەقین."

کەناڵی ناس کورد لە تێلیگرام جۆین بکە   

 

محەمەد حاجی مەحمود لە پەیامێکدا کە ئاڕاستەی وەزارەتی پێشمەرگە و حکومەتی کردووە (12ی تشرینی یەکەمی 2022) دەڵێت، "حکومەتی عێراق سەرەڕای وەزعی خراپی و بێسەروبەری و نەمانی شیرازەی وەک دەوڵەت وا بۆ ساڵێک دەچێت هەڵبژاردنی پەرلەمانی عێراق کراوە، بەڵام تائێستا نەیانتوانیوە حکومەتێک دابمەزرێنن. لەگەڵ ئەو وەزعە خراپەشدا، هێشتا کوردیان لەبیر نەچووە، وەزیری نەوت و دادگا زەلیلەکانیان هەر رۆژەو هەڕەشە و کێشە بۆ هەرێمی کوردستان دروست دەکەن".

 

لە پەیامەکەدا هاتووە: "لە ناوچە دابڕاوەکانیش کورد لەسەر ماڵ و موڵکی باوباپیرانیان دەردەکەن لەگەڵ ئەوەشدا هێشتا مردو و گۆڕستانەکانی کورد، لەو ناوچانە لە زیندووەکانی نەتەوەکانی تر زیاترە، وا خۆشتان دەبینن بە دیل گیراون و ئێستا ئەو پاڵەوانانە هاتوونەتە شاری خانەقین و هەڕەشە و گوڕەشە و سیاسەتی بە عەرەبکردن لە دژی کورد ئەنجام دەدەن".

 

محەمەد حاجی مەحموود، دەڵێت: "ئەگەر حکومەت ئیلتیزامی هەیە، ناتوانێ هێز بەکاربهێنێ، داواتان لێدەکەین رێگای هێزەکانی پارتی سۆسیالیست بدەن لە ماوەی چەند سەعاتێکدا دەگەینە شاری خانەقین، رێگا نادەین بێگانە پۆستاڵی رەشیان لە خانەقین جێگیر ببێت".

 

دەقی پەیامی محەمەد حاجی مەحمود

بەڕێز وەزارەتی پێشمەرگەی حکومەتی هەرێمی کوردستان

سڵاو ڕێز ...

بەڕێزان .. حکومەتی عێراق سەرەڕای وەزعی خراپی و بێ سەروبەری و نەمانی شیرازەی وەک دەوڵەت وا بۆ ساڵێک دەچێ هەڵبژاردنی پەرلەمانی عێراق کراوە، بەڵام تا ئێستا نەیانتوانیوە حکومەتێک دابمەزرێنن.

لەگەڵ ئەو وەزعە خراپەشدا، هێشتا کوردیان لەبیر نەچووە، وەزیری نەوت و دادگا زەلیلەکانیان هەر ڕۆژەو هەڕەشەو کێشە بۆ هەرێمی کوردستان دروست دەکەن.

لە ناوچە دابڕاوەکانیش کورد لەسەر ماڵ و موڵکی باوباپیرانیان دەرئەکەن لەگەڵ ئەوەشدا هێشتا مردو و گۆڕستانەکانی کورد، لەو ناوچانە لە زیندوەکانی نەتەوەکانی تر زیاترە، وا خۆشتان ئەبینن بە دیل گیراون و ئێستا ئەو پاڵەوانانە هاتونەتە شاری خانەقین و هەڕەشە و گوڕەشە و سیاسەتی بە عەرەب کردن لە دژی کورد ئەنجام ئەدەن.

جەیشی عێراقی لە شەڕی عەرەب ئیسرائیل زۆریان بەدیل گیران و ڕایان کرد، لە شەڕی نێوان ئێران عێراق سەدان هەزاریان لە جەیشی عێراق بەدیل گرت، لە شەڕی کوێت هەزارانیان بە دیل گیراو ئێستا خۆیان لەسەر خەڵکی بێ چەکی کورد تاقی ئەکەنەوە.

ئەگەر حکومەت ئیلتیزامی هەیە، ناتوانێ هێز بەکاربهێنێ، ئەوا داواتان لێ ئەکەین ڕێگای هێزەکانی پارتی سۆسیالیست بدەن لە ماوەی چەند سەعاتێک دا ئەگەینە شاری خانەقین، شاری خەبات و شەهیدان و خۆڕاگری و ڕێگا نادەین بێگانە پۆستاڵی ڕەشیان لە خانەقینی ئازیز جێگیر ببێت.

محەمەد حاجی مەحمود

پێشمەرگەی دێرین

گوڵەخانە