گه‌ڕان

Shadow Shadow
سیاسه‌تی

’’ئازادكردنیان بە كەفالەت’’

دەستەى مافى مرۆڤ بەدواداچوون بۆ کەیسى دوو رۆژنامەنوسەکە دەکات

2022.10.11 - 17:20
App store icon Play store icon Play store icon
دەستەى مافى مرۆڤ بەدواداچوون بۆ کەیسى دوو رۆژنامەنوسەکە دەکات

ناس کورد-

 

دەستەى مافى مرۆڤى هەرێم بەدواداچوون بۆ کەیسى دوو رۆژنامەنوسە دەستگیرکراوەکە دەکات لە سلێمانى و سەنتەرى میترۆش داوادەکات بە کەفالەت ئازاد بکرێن.

کەناڵی ناس کورد لە تێلیگرام جۆین بکە   

 

کەیسى ئەو دوو رۆژنامەنوسە لەکۆبوونەوەیەکى نێوان دەستەکە و سەنتەرى میترۆ تاوتوێکرا، ئەوەش بەپێی راگەیەنراوێکى سەنتەرەکە کە دەست "ناس کورد" کەوتووە.

 

بەپێی راگەیەنراوەکە، لە کۆبوونەوەکەدا هەردولا هاوراِ بوون كە كەیسی تایبەت بە بڵاوكردنەوە بە پێی یاسای رۆژنامەگەری لێكۆڵینەوەی تێدا بكرێت و لە  رێوشوێنەكانی ئاگاداركرنەوە و دەستبەسەركردن لە تایبەتمەندی بنكەكانی پۆلیس بێت.

 

دەقى راگەیەنراوەکە:

 

سەرۆكی دەستەی مافی مرۆڤ د. مونا یاقۆ رایگەیاند شانازی بەكارەكانی سەنتەری میترۆ دەكەین و هەردولامان بۆ بەهێزكردنی پرەنسیپەكانی مافی مرۆڤ كاردەكەین، بە هیواین بتوانین بۆردی مافەكانی مرۆڤ لەگەڵ رێكخراوەكانی داكۆكیكار لە مافی مرۆڤ دابمەزرێنین.

 

ئەمرۆ مونا یاقۆ سەرۆكی دەستەی مافی مرۆڤ، فەیزوڵا محەمەد راوێژكاری دەستەی مافی مرۆڤ، هێمن عەمید عوسمان بەڕێوەبەری دیوانی دەستە، سابیر عەبدوڵا بەڕێوەبەری نوسینگەی مافی مرۆڤی سلێمانی، میدیا عەبدوڵا عەلی لێپرسروای هۆبەی چاودێری بەندیخانەكان لە نوسینگەی سلێمانی سەردانی سەنتەری مترۆیان كرد.

 

سەردانەكەی سەرۆكی دەستەی مافی مرۆڤ بۆ شاری سلێمانی بە مەبەستی بەدواداچوون بوو بۆ كەیسی دوو رۆژنامەنووسەكەی تۆڕی هەواڵی بوار  (سەرتیپ وەیسی ، ئیبراهیم عەلی) دیداری لەگەڵ هەردوو رۆژنامەنووسەكە لە ئاسایشی سلێمانی.

 

لەم سەردانەدا هەردولامان هاوراِ بووین كە كەیسی تایبەت بە بڵاوكردنەوە بە پێی یاسای رۆژنامەگەری لێكۆڵینەوەی تێدا بكرێت و لە  رێوشوێنەكانی ئاگاداركرنەوە و دەستبەسەركردن لە تایبەتمەندی بنكەكانی پۆلیس بێت.

 

سەنتەری میترۆ جەختیكردەوە  كە دەبێت هەموو هەوڵەكان بە ئاراستەی گۆڕینی مادەی یاسایی ئەم دوو رۆژنامەنووسە بێت بۆ یاسای رۆژنامەگەری و ئازادكردنیان بە كەفالەت.

 

سەرۆكی دەستەی مافی مرۆڤ د. مونا یاقۆ ووتی" شانازی بەكارەكانی سەنتەری میترۆوە دەكەین ناوبانگتان لە بواری ئازادی رۆژنامەگەری دیارە" ووتیشی" هەردولامان بۆ بەهێزكردنی پرەنسیپەكانی مافی مرۆڤ كاردەكەین و بە هیواین بتوانین بۆردی مافەكانی مرۆڤ لەگەڵ رێكخراوەكانی داكۆكیكار لە مافی مرۆڤ دابمەزرێنین."

 

هەروەها تیشكی خستە سەر ئامانجی سەردانەكەی و دیداری لەگەڵ دوو رۆژنامەنوووسە دەستگیركروەكەی بوار.