گه‌ڕان

Shadow Shadow
سیاسه‌تی

بەپەلە

ئاژانسی پاراستن و زانیاری/ زانیاری: عەقید هاوکار پێشتر لە ئەرکى فەرمیدا بوو

2022.10.07 - 17:27
App store icon Play store icon Play store icon
ئاژانسی پاراستن و زانیاری/ زانیاری: عەقید هاوکار پێشتر لە ئەرکى فەرمیدا بوو

ناس کورد-

 

 ئاژانسی پاراستن و زانیاری/ زانیاری رایگەیاند، عەقید هاوکار ئەو ئەفسەرەى لە تەقینەوەکەى هەولێردا کوژرا، پێشتر لەئەرکى فەرمیدا بووە.

کەناڵی ناس کورد لە تێلیگرام جۆین بکە   

 

ئاژانسەکە لە راگەیەنراوێکدا کە دەست ناس کورد" کەوتووە داواى لە هێزە ئەمنییەکان کردووە، لەلێکۆڵێینەوەکانیاندا وردبن و راستی رووداوەکە و تۆمەتباران  بۆ رای گشتی ئاشکرابکەن و رووبەڕووی دەسەڵاتی دادوەریان بکەنەوە و سزای یاساییان بەسەردابسەپێنن.

 

دەقى راگەیەنراوەکە:

 

ڕاگەیاندراوی ئاژانسی پاراستن و زانیاری/ زانیاری دەربارەی تەقینەوەکەی هەولێر

 

پاش نیوەڕۆی ئەمڕۆ، ٧ ی تشرینی یەکەمی ٢٠٢٢، لەرووداوێکی نەخوازراودا لەشاری ھەولێر، ئۆتۆمبێلەکەی بەڕێز عەقید ھاوکار  عەبدوڵا ناسراو بە (ھاوکار جاف) کرایە ئامانج و بەداخەوە شەھیدکرا.

 

شەھید ھاوکار كە پێشتر لەئەرک و فەرمانی رەسمیدابوو رۆڵی بەرچاوی ھەبووە لەھێزەکانی دژەتیرۆر و بواری ئەمنیدا و خزمەتی ئارامی و ئاسایشی ھەرێمی کردووە.

 

وێڕای دەربڕینی ھاوخەمی پرسەو سەرەخۆشی ئاڕاستەی بنەماڵە تێکۆشەرەکەیان دەکەین، کە نمونەیەکی بەرزی قوربانیدانن. ھیوای زووچاکبوونەوەش بۆ بریندارەکان دەخوازین، داواش دەکەین لەھێزە ئەمنییەکانی ھەرێم لەلێکۆڵێینەوەکانیاندا وردبن و راستی رووداوەکە و تۆمەتباران  بۆ رای گشتی ئاشکرابکەن و رووبەڕووی دەسەڵاتی دادوەریان بکەنەوە و سزای یاساییان بەسەردابسەپێنن.

 

ئاژانسی پاراستن و زانیاری/ زانیاری