گه‌ڕان

Shadow Shadow
سیاسه‌تی

سوپای پاسداران: 40 بنکەی ئیسرائیلمان لە هەرێمی کوردستان خاپوور کرد

2022.10.03 - 19:02
App store icon Play store icon Play store icon
سوپای پاسداران: 40 بنکەی ئیسرائیلمان لە هەرێمی کوردستان خاپوور کرد

ناس کورد-

سوپای پاسدارانی ئێران بە بوونی بنکەی ئیسرائیلی بیانوو بۆ هێرشە موشەکییەکانی بۆسەر هەرێمی کوردستان هێنایەوە و ڕایگەیاند، "ئیسرائیل بنكە و بارەگاکانی دژە شۆڕش لە ناوچەی باكووری عێراق بە قازانجی خۆی بەكاردەهێنێت".

کەناڵی ناس کورد لە تێلیگرام جۆین بکە   

 

محەمەد پاکپوور، فەرماندەی هێزی زەمینی سوپای پاسدارانی ئێران (3ی تشرینی یەکەمی 2022) گوتی، "40 بنکەی سەر بە ئیسرائیلمان" لە هەرێمی کوردستان کردە ئامانج.

 

وتیشی، "گروپە جوداخوازەکانی وەک کۆمەڵە و دیموکرات لە ساڵانی ڕابردوودا چالاکییان دژی وڵاتەکەمان ئەنجام داوە، ئەوان تیمیان ناردووە بۆ ناوخۆی ئێران تاوەکو چالاکی تیرۆرستی ئەنجام بدەن، بەڵام سەرجەم تیمەکانمان هەڵوەشاندەوە و پلانەکانمان پووچەڵکردەوە، ئەوان لە ساڵی 2016ـەوە دەستیان بە کردنەوەی ناوەندی مەشق و ئۆپراسیۆن لە هەرێمی کوردستان کردووەتەوە."

 

پاكپوور گوتیشی،"بەهۆی ئەو چالاکییانەوە، ئێمە بەردەوام ناڕەزایی خۆمان بە شێوەی یاداشتێك بۆ بەرپرسانی هەرێمی کوردستان دەردەبڕیوە".

 

باسی لەوەشکرد کە هەرجارێک ناڕەزایەتییان دەربڕی بێت، ئەوە بەرپرسانی هەرێمی کوردستان "هەموو جارێک پێشنیاریان کردووە کە بنکەکانیان لەناوببەین."

 

لە درێژەی قسەکانیدا وتی: "بەپێی هەندێک لەو زانیاریانەی لەبەردەستماندایە، وادیارە هیچ ئیرادەیەک لە لایەن دەسەڵاتدارانی هەرێمەوە بۆ مامەڵەکردن لەگەڵ ئەو گرووپە خمە تیرۆریستیانەدا نەبێت، نزیکەی مانگ و نیوێک لەمەوبەریش وەزارەتی ئاسایش توانیویەتی کەسێکی دەستگیر بکات کە پلانی تێکدانی دامەزراوە ئەتۆمییەکانی ئەسفەهانیان دانابوو، و لە دانپێدانانەکانیاندا ئاماژە بەوە کراوە کە قەوارەی زایۆنی لە ڕێگەی ئەو بنکە و بارەگایانەی تیرۆرستان لە هەرێمی کوردستان خەڵکی هەڵبژاردووە و بردوویانە بۆ ئیسرائیل، و دوای پێدانی مەشق و ڕاهێنانی پێویست، ناردوویانەتەوە بۆ ناو ئێران بۆ ئەنجامدانی کردەوەی تیرۆریستی لە ناوخۆی ئێران..بۆیە دەتوانرێت ئەم بنکانە بە بنکەی قەوارەی زایۆنیش هەژمار بکرێت، چونکە ئەم بنکانە بۆ قەوارەی زایۆنی کاردەکات."

 

جەنەڕاڵ پاکپوور جەختی لەوە کردەوە کە "مووشەک و فڕۆکە بێفڕۆکەوانەکانی سوپای پاسداران زۆر وردە، لە هەندێک ناوچەدا نزیکەی 40 ئامانجمان بە زیاتر لە 70 مووشەک و دەیان فڕۆکەی بێفڕۆکەوان بە وردبینی 99% پێکاوە."