گه‌ڕان

Shadow Shadow
سیاسه‌تی

وردەکاریی کۆبوونەوەی نێچیرڤان بارزانی و مستەفا کازمی

2022.10.03 - 14:42
App store icon Play store icon Play store icon
وردەکاریی کۆبوونەوەی نێچیرڤان بارزانی و مستەفا کازمی

 

ناس کورد-

کۆبوونەوەی نێچیرڤان بارزانی، سەرۆکی هەرێمی کوردستان و مستەفا کازمی، سەرۆکی وەزیرانی عێراق کۆتایی هات و هەردوولا ڕایانگەیاند، نابێ عێراق بکرێتە گۆڕەپانی ململانێکان.

 

کەناڵی ناس کورد لە تێلیگرام جۆین بکە   

 

بەگوێرەی ڕاگەیەنراوێکی سەرۆکایەتیی هەرێمی کوردستان (دووشەممە 3-10-2022) لە کۆبوونەوەکەدا، هەردوولا جەختیان لەوە کردووەتەوە، "پێويسته‌ رێز ‏له‌ سه‌روه‌ريى عێراق بگيرێت و نابێت عێراق بكرێته‌ گۆڕه‌پانى ‏يه‌كلاكردنه‌وه‌ى ناكۆكييه‌ هه‌رێمييه‌كان، عێراق و ‏هه‌رێمى كوردستان پابه‌ندن به‌ په‌يوه‌نديى دۆستانه‌ له‌گه‌ڵ وڵاتانى دراوسێ و ‏به‌وه‌ى خاكى عێراق نه‌بێته‌ سه‌رچاوه‌ى هه‌ڕه‌شه‌ بۆ‌ ئه‌و وڵاتانه‌."

 

دەقی راگەیەنەراوەکە: 

 

پێشنيوه‌ڕۆى ئه‌مڕۆ دووشه‌ممه‌ 2022/10/3 به‌ڕێز نێچيرڤان بارزانى، سه‌رۆكى ‏هه‌رێمى كوردستان، پێشوازى له‌ به‌ڕێز مسته‌فا كازمى، سه‌رۆك وه‌زيرانى عێراقى ‏فيدراڵى كرد.‏

 

له‌ ديدارێكدا دوايين پێشهاته‌كانى پرۆسه‌ى سياسيى عێراق و هه‌وڵه‌كانى حكوومه‌تى ‏فيدراڵى عێراق و هه‌رێمى كوردستان بۆ لێكنزيككردنه‌وه‌ى لايه‌نه‌ سياسييه‌كان و ‏پاراستنى ئاشتيى ناوخۆيى، تاوتوێ كران و داكۆكييان له‌وه‌ كرده‌وه‌ كه‌ گفتوگۆ تاكه‌ ‏ڕێگه‌يه‌ بۆ گه‌يشتن به‌ چاره‌سه‌رى كێشه‌كان.‏

 

هه‌ردوولا جه‌ختيان كرده‌وه‌ كه‌ كه‌ خوێن و گيانى هاووڵاتييان و پاراستنى ‏خۆپيشانده‌ران له‌ هه‌موو عێراق، هه‌روه‌ها پاراستنى ماڵ و سامانى تايبه‌ت و گشتى، ‏خواست و ئامانجى هاوبه‌شن و هه‌مووان ده‌بێ هاوكاريى هێزه‌ ئه‌منييه‌كان بكه‌ن بۆ ‏جێبه‌جێكردنى ئه‌ركه‌كانيان و پاراستنى ئاسايش و سه‌قامگيريى وڵات.‏

 

دوايين پێشهاته‌ ئه‌منييه‌كان و به‌ئامانجگرتنى چه‌ند شوێنێكى هه‌رێمى كوردستان، ‏ته‌وه‌رێكى ديكه‌ى ديداره‌كه‌ بوو. تيايدا هه‌ردوولا جه‌ختيان كرده‌وه‌ كه‌ پێويسته‌ ڕێز ‏له‌ سه‌روه‌ريى عێراق بگيرێت و ڕه‌تيانكرده‌وه‌ عێراق بكرێته‌ گۆڕه‌پانى ‏يه‌كلاكردنه‌وه‌ى ناكۆكييه‌ هه‌رێمييه‌كان، هه‌روه‌ها دووپاتيان كرده‌وه‌ كه‌ عێراق و ‏هه‌رێمى كوردستان پابه‌ندن به‌ په‌يوه‌نديى دۆستانه‌ له‌گه‌ڵ وڵاتانى دراوسێ و ‏به‌وه‌ى خاكى عێراق نه‌بێته‌ سه‌رچاوه‌ى هه‌ڕه‌شه‌ بۆ‌ ئه‌و وڵاتانه‌.