گه‌ڕان

Shadow Shadow
سیاسه‌تی

نوێ

یەکەم هێزی شیعی لەسەر تۆپبارانەکانی ئێران بۆسەر هەرێم هاتەدەنگ

2022.09.30 - 22:07
App store icon Play store icon Play store icon
یەکەم هێزی شیعی لەسەر تۆپبارانەکانی ئێران بۆسەر هەرێم هاتەدەنگ

ناس کورد- 

 

هاوپەیمانیی نەسری حەیدەر عەبادی وەک یەکەم هێزی شیعی لەسەر تۆپبارانەکانی ئێران لە هەرێمی کوردستان هاتەدەنگ و دەڵێت، ئیدانەی ئەو تۆپبارانانە دەکەن، هۆشداریش دەدات كه ئەو كارانه زیان به پەیوه ندییەكانی نێوانیان دەگەیەنێت.

کەناڵی ناس کورد لە تێلیگرام جۆین بکە   

 

لە ڕاگەیەنراوێکدا هاوپەیەمانی "نەسر" کە حەیدەر عەبادی سەرۆکایەتی دەکات (هەینی 30-9-2022) ڕایگەیاند، "ئیدانەی پێشێلکارییە بەردەوامەکانی ئێران و تورکیا دەکەین بۆ سەر سەروەری عێراق و لەڕووی یاساییەوە بە بەرپرسیاریان دەزانین لە دەستدرێژی و شەهیدکردنی هاووڵاتیان و ترساندنی دانیشتووان و پێشێلکردنی پیرۆزی عێراق." 

 

هاوپەیمانێتییەکەی حەیدەر عەبادی، هۆشداریش دەدات كه ئەو كارانه زیان به پەیوه ندییەكانی نێوانیان دەگەیەنێت و ناتوانن پەیوەندی بنیاتنەر دروست بكەن، هەروەها گرژی و كاردانەوه ی زیانبەخش بۆ پەیوەندییەکانی نێوانیان زیاتر دەکات. 

 

لە ڕاگەیەنراوەکەدا، "هاوپه یمانی نەسر" داوای له حكومه ت و سەرجەم هێزه عێراقییەكان کردووە، یەكگرتوو بن بۆ پاراستنی خه ڵك و بەرژەوەندییەكانی عێراق له بەرامبەر هه ر دەستدرێژی و هەڕەشه و پێشێلكارییەك له سەر سەروەرییەكەی.

 

جەختیشیکردووەتەوە، " هەروەها پێویستە بیانووی دەوڵەتەكان لابدەن بۆ ئەوەی رێگه به ​​هیچ ئامادەبوونێکی نایاسایی یان چەكداری نەدەن."

 

ماوەی چەند ڕۆژێکە، ئێران تۆپبارانی سنورەکانی هەرێم و بارەگاکانی چەند حزبێکی ڕۆژهەڵاتی کوردستانی لە هەرێمی کوردستان دەستپێکردووە و بەهۆیەوە چەندین کوژراو و برینداری لێکەوتووەتەو.