گه‌ڕان

Shadow Shadow
سیاسه‌تی

زانیارى زیاتر

بەرهەمى هەنگوینى کوردستان بەرزدەبێتەوە

2022.09.25 - 17:21
App store icon Play store icon Play store icon
بەرهەمى هەنگوینى کوردستان بەرزدەبێتەوە

ناس کورد-

 

دامەزرێنەری کۆمەڵەی هەنگەوانانی کوردستان ئاماژە بەوە دەکات، ئەمساڵ ‎هەنگ و هەنگوین لەهەموو ناوچەکانی کوردستان باش بووە، مەزەندە دەکرێت هەر کورە هەنگێک (5 تا 10) کیلۆ بەرهەمى هەبێت.

کەناڵی ناس کورد لە تێلیگرام جۆین بکە   

 

‎سیروان ماوەتی بەڕۆژنامەی “بازرگانی و پیشەسازی” راگەیاند، “ئەمساڵ پوورە دانێکی زۆر هەبووەو لەگەڵ ئەوەشدا بڕی هەنگوین زۆر باش بووە، کە مەزەندە دەکرێت هەر کورە هەنگێک (5 تا 10)کیلۆ بێت، لەکاتێکدا لەساڵی ڕابردوو دۆخی هەنگ زۆر خراپ بوو بەهۆی کەمی شیلەو هەڵاڵەو نەخۆشیەکانەوە، لەسەدا سی بۆ چلی هەنگی کوردستان لەناوچوون بەرهەمیش زۆر خراپ بوو”.

 

وتیشی “هەنگوین لەوڵاتی ئێمە سێ جۆرە، جۆرێکیان هەنگوینی سروشتیە هی ناوچە شاخاویەکانە کە پشت بەگوڵو گوڵالەی سروشتی ئەو ناوچانە دەبەستێت کە ئەوە هەنگوینی لە ٪۱٠٠ سروشتیە، جۆرێکیتریان پشت دەبەستێت بەکێڵگە دەستییەکان ئەو جۆرە کەمێک ماددە کیمیایەکانی تیادا بەکاردێت، کە ئەمەش کەمێک کاریگەری بۆسەر هەنگوین دەبێت، جۆری سێهەم ئەو جۆرەیە کە شەکری بۆ دادەندرێت، ئەوەش هەنگوینی شەکر دروست دەکات”.

 

دامەزرێنەری کۆمەڵەی هەنگەوانانی کوردستان ‎ئاماژەی بەوەش دا کوردستان هەنگوینی زۆر باشی هەیە و یەکێکە لەو هەنگوینانەی کە لەجیهاندا بەکوالیتی بەرز ناسراوە، ئەو وتی “ئێمە پشکنینمان بۆ هەنگوینی ناوچەی سورداش، گوندی پێدارەو ناوچەی شەروەتە لەپشدەر و ماوەت کردووە، ئەنتیبایەتیکیان سفرە، هەنگوینێکی زۆر ساغن”.

 

لەکوردستاندا ١٥ هەزار هەنگەوان هەن، کە ٧٠٠ هەزار پوورەی هەنگیان هەیەو هەنگوینی کوردستان بووەتە جیهانی و خواستی زۆری لەسەرەو لەساڵی 2021دا 51 تۆن تەنیا بە ئیماراتی عەرەبی فرۆشراوە.

 

‎لوقمان عومەر، کارگێڕی کۆمەڵەی هەنگەوانانی کوردستان وتی “هەنگوینی کوردستان یەکێکە لەهەنگوینە باشەکانی جیهان، لەبەرئەوەی ئاوهەواو ژینگەی کوردستان لەبارە بۆ بەرهەمهێنانی هەنگوین و بەخێوکردنی هەنگ بەهۆی بونی گەرمیان و کوێستانەوەو لەکوردستاندا گوڵی سروشتی زۆر جیاوازمان هەیە".

 

وتیشى "ئەو شیلەیەی هەنگ کۆی دەکاتەوە لەزۆرترین جۆری گوڵ بەرهەمی دێنێت، ئەوەش تایبەتمەندییەکی ترە بۆ هەنگوینی کوردستان و ڕێژەی شێ لەهەنگوینی کوردستاندا دەگاتە ۱٤ پلە کەئەمەش هۆکارێکی دیکەیە بۆ باشی هەنگوینی کوردستان. خاکی بەپیت کاریگەری هەیە لەسەر ئەو شیلەو هەڵاڵانەی هەنگ کۆی دەکاتەوە کەوا دەکات هەنگوینی کوردستان ساغو باش دەربچێت”.

 

مان عومەر دەشڵێت ”لەمساڵدا هەنگوینێکی زۆر باش هەیە لەسەرتاسەری کوردستاندا، هەموو هەنگەوانان لەبەرهەمەکانیان ڕازین و بەپێی پێشبینییەکانمان لەهەر کورە هەنگێک پێنج بۆ دە کیلۆ هەنگوین هەبێت”.