گه‌ڕان

Shadow Shadow
سیاسه‌تی

زیاتر بزانە

کۆسرەت ڕەسوڵ: ڕیفراندۆم یەکێک بوو لە ڕۆژە مێژووییە خۆشەکانی ژیانم

2022.09.25 - 11:21
App store icon Play store icon Play store icon
کۆسرەت ڕەسوڵ: ڕیفراندۆم یەکێک بوو لە ڕۆژە مێژووییە خۆشەکانی ژیانم

ناس کورد-

کۆسرەت ڕەسول عەلی ڕایگەیاند، ڕیفراندۆم "ئەوپەڕی شانازییە بۆ من و یەکێک بوو لە ڕۆژە مێژووییە خۆشەکانی ژیانم".

کەناڵی ناس کورد لە تێلیگرام جۆین بکە   

کۆسرەت ڕەسول عەلی، سەرۆکی ئەنجومەنی باڵای سیاسی و بەرژەوەندی یەکێتیی نیشتمانیی کوردستان ئەمڕۆ لە ساڵیادی ریفراندۆمی ساڵی 2017دا ڕاگەیەنراوێکی بڵاوکردەوە و دەڵێت، "ئەو ریفراندۆمەی هەموو خەڵکی کوردستان بەبێ جیاوازی بەشداریان کردو لە پرۆسەیەکی دیموکراسیدا دەنگیان دا بۆ سەربەخۆیی کوردستان.
ریفراندۆم موڵکی هیچ کەس و لایەنێک نییە، گەلی کوردستان کردی و بۆ ئایندەی گەلەکەشمان بوو."


دەشڵێت، "ئەوپەڕی شانازییە بۆ من، یەکێک لە رۆژە مێژووییە خۆشەکانی ژیانم، کە سەرپەرشتی کردنی ریفراندۆم لە کەرکووک و ناوچە کوردستانییەکانمان وەک ئەرکێکی نیشتمانی و نەتەوەیی پێ سپێردرا، لە رووداوێکی مێژوویی و دەگمەندا خەڵکی کەرکووک و ناوچە کوردستانییەکان دەنگیان داو کوردستانیەتی ئەو ناوچانەیان سەلماندەوە."

 

ڕاشیگەیاند، "لەم رۆژە پیرۆزەدا، پیرۆزبایی خۆم ئاراستەی سەرجەم گەلی کوردستان دەکەم و وەک هەمیشەش دووپاتی دەکەینەوە کە گەلەکەمان لەگەڵ پێکەوەژیانی ئاشتیانەیەو دەمانەوێ مافە دەستووری و دیموکراسییەکانی خۆمان پیادە بکەین."