گه‌ڕان

Shadow Shadow
سیاسه‌تی

پشتیوانى شەش ماددە

هەڵوێستێکى نوێ لەناو فراکسیۆنى پارتییەوە لەسەر پڕۆژە مشتومڕاوییەکە

2022.09.24 - 17:38
App store icon Play store icon Play store icon
هەڵوێستێکى نوێ لەناو فراکسیۆنى پارتییەوە لەسەر پڕۆژە مشتومڕاوییەکە

ناس کورد-

 

پەرلەمانتارێکى پارتى پشتیوانى خۆى بۆ شەش ماددەى پێشنیازە یاساى بەرەنگاربوونەوەی توندوتیژی دژی خێزان و ئافرەت راگەیاند کە مشتومڕى زۆرى لێکەوتووەتەوە.

کەناڵی ناس کورد لە تێلیگرام جۆین بکە   

 

عەبدولسەلام دۆڵەمەرى (24-9-2022) لە بڵاوکراوەیەکدا رایگەیاند، لەگەڵ ھیچ یاسایەك نییە كە پێچەوانەی ئایینی پیرۆزی ئیسلام  و ئادابی کوردستانیان بێت بەڵام پاڵپشتی تەواوی ئەم ماددانە دەکات و هیوادارە ببێت بە یاسا:

 

١-بەزۆر بە شوودان و بەشوودان لە بری خوێن.

 

٢-بەزۆر تەڵاقدان.

 

٣-پچڕاندنی سیلەی ڕەحم.

 

٤-ناچارکردنی خێزان بۆ دورکەوتنەوە لە کار.

 

٥-ناچارکردنی منداڵ بە سواڵ.

 

٦-خۆکوشتن لە ئەنجامی توندو تیژی.

 

دەشڵێت "ئەمانە بابەتی هەنوکەیی و گرنگن پێویستە هەمومان پشتگیری بکەین بۆ ئەوەی بە یاسا ڕێکبخرێن".

 

فراکسیۆنی پارتی لە پەرلەمانی کوردستان (23-9-2022) لە راگەیەنراوێکدا لەبارەى بەرەنگاربوونەوەی توندوتیژی دژی خێزان و ئافرەت ڕایگەیاند، "هیچ پڕۆژە و یاسایەک تێناپەڕێت لە ڕێی پەرلەمانەوە کە دژی بنەماکانی ئاینی پیرۆزی ئیسلام بێت".  

 

بەپێی بەڵگەنامەیەک دەردەکەوێت، 24 ئەندامی فراکسیۆنەکە ئیمزایان لەسەر پڕۆژەیاساکە کردووە.  

 

بەپێی بەڵگەنامەکە کە دەستی ناس کورد کەوتووە، لە کۆی 31 پەرلەمانتار کە ئیمزایان لەسەر پڕۆژەیاساکە کردووە، 24 ئەندامیان پارتین، لەگەڵ پێنج ئەندامی یەکێتی و 2 لە پێکهاتەکان.  

  

زیاتر بخوێنەرەوە: پارتی لەسەر پڕۆژەیاسای بەرەنگاربوونەوەی توندوتیژیی خێزانی قسەی کۆتایی کرد  

No description available.