گه‌ڕان

Shadow Shadow
سیاسه‌تی

زیاتر بزانە

سەنتەری میترۆ: ڕێگری دەکرێت لە ڕوماڵی ئەو چالاكیانەی دژی ئێران و توركیان

2022.09.24 - 14:31
App store icon Play store icon Play store icon
سەنتەری میترۆ: ڕێگری دەکرێت لە ڕوماڵی ئەو چالاكیانەی دژی ئێران و توركیان

ناس کورد-

سەنتەری میترۆ بۆ داکۆکی لە ئازادیی ڕۆژنامەنووسی ڕایگەیاند، لە هەرێمی کوردستان ڕێگری لە ڕاگەیاندن دەکرێت ڕووماڵی ئەو چالاکییانە بکەن کە دژی بە سیاسەتی وڵاتانی ئێران و تورکیان.

کەناڵی ناس کورد لە تێلیگرام جۆین بکە   

 

سەنتەرەکە لە ڕاگەیەنراوێکدا دەڵێت، ئەمرۆ (24ی ئەیلولی 2022) لەكاتی بەڕێوەچوونی نارەزایەتی لەبەردەم كونسوڵخانەی ئێران لە هەولێر دژی مردنی گوماناوی ژینا ئەمینی، هێزە ئەمنییەكان بە هێز رێگرییان لە روماڵی هەندێ لە كەناڵەكانی راگەیاند كرد روماڵی ئەو چالاكییە بكەن.

 

دەشڵێت، "سەرنجمان داوە چەند جارێك، كە تیمەكانی راگەیاندن دەچن بۆ روماڵكردنی ئەو چالاكیانەی دژ بە سیاسەتی دەوڵەتانی ئێران وتوركیا رێگرییان لێدەكرێت و بەهێز كەلوپەلی رۆژنامەوانیان زەوت دەكەن."

 

سەنتەرەکە چەند خاڵێکی لەوبارەیەوە خستووەتەڕوو؛

یەكەم: لە هەموو دونیا میدیاكان لە چالاكی بەردەم كونسوڵخانەكان ئازادانە كاری خۆیان دەكەن لای ئێمە قەدەغەكراوە.

 

دووهەم: ئەمە بە هۆكاری ئەمنییەتی ئەو كونسوڵخانانە ئەنجام نادرێن بەڵكو هۆكارەكان سیاسیین.

 

سێهەمین: لە یاسای رۆژنامەگەری بەندێكی تیادا نییە ئاماژە بدات كە روماڵی چالاكی بەردەم كونسوڵخانەكان قەدەغەبن.

 

چوارهەم: فەزاری كاركردنی مەیدانی میدیاكاران خەریكە بە تەواوەتی دادەخرێت و یاسای رۆژنامەگەری پەكدەخرێت و هەر هێزەو ئیدارەیەك لەشارەكانی هەرێم بە ئارەزووی خۆیان یاسا بۆ رۆژنامەنووسان دادەنێت.

 

پێنجەم: حكومەتی هەرێمی كوردستان دەبێت ئەوەی لەبەر چاو بێت كەڵەكەبوونی ئەم پێشێلكاریانە زیانی بۆ پشتیوانی نێودەوڵەتی بۆ هەرێمی كوردستان دەبێت.

 

شەشەم: ئەو ئەورەفتارانەی ئەمرۆو رۆژانی رابردووی هێزی چەكداری ئەمنی بەرامبەر رۆژنامەنوس كە تەنها كامێرایەكی هەڵگرتووە مایەی شەرمەزراین بۆ بكەرانی.