گه‌ڕان

Shadow Shadow
سیاسه‌تی

زیاتر بزانە

وەزارەتی کاری هەرێم دامەزراندنی سێ کەسی لە هەڵەبجە هەڵوەشاندەوە

2022.09.22 - 21:31
App store icon Play store icon Play store icon
وەزارەتی کاری هەرێم دامەزراندنی سێ کەسی لە هەڵەبجە هەڵوەشاندەوە

ناس کورد-

وەزارەتی کار و کاروباری کۆمەڵایەتی ڕایگەیاند، پرۆسەی دامەزراندنی 30 کەس بۆ هەردوو سەنتەری ئۆتیزم و شیاندنی خاوەن پێداویستی تایبەت لە هەڵەبجە "زۆر دادپەروەرانە بەڕێوەچووە" تەنها سێ کەس نەبێت کە ئەوانیش دامەزراندنیان هەڵدەوەشێتەوە. 

کەناڵی ناس کورد لە تێلیگرام جۆین بکە   

 

وەزارەتەکە لە ڕوونکردنەوەیەکدا (22ی ئەیلولی 2022) دەڵێت، "سەبارەت بە دامەزراندنی 30 کەس بۆ هەردوو سەنتەری ئۆتیزم و شیاندنی خاوەن پێداویستی تایبەت لە پارێزگای هەڵەبجە لە ڕێگای ئۆنلاین و بە خاڵ و بە شێوەیەکی زۆر دادپەرەوەرانە پڕۆسەکە بە ڕێوە چوو بەڵام بە داخەوە ئەمڕۆ زانیاریمان پێگەییشت کە سێ کەس لەوانەی بەپێی خاڵبەندی دامەزراون ناڕاستیان لەگەڵ کردوین و دانیشتوی پارێزگای هەڵەبجە نین لەوەش خراپتر ئەوەیە پشتگیریشیان بۆ کراوە کە دانیشتوی هەڵەبجەن".

دەشڵێت، هەر بۆیە لێرەوە ڕای دەگەیەنین؛
1- هەر بەڕێزێک سکاڵای هەیە لەوەی کە ناوی نەهاتۆتەوە سەردانی دیوانی وەزارەت بکات تا هەموو بەڵگە نامەکانی بخەینەبەردەست.

2- ئەو ناوانەی کە دانیشتوی هەڵەبجە نین ڕۆژی یەک شەممە ناوەکانیان لا دەبرێت و بە پێی ڕیز بەندی شوێنەکانیان پڕدەکرێتەوە.

3- ئەو کەس و دامەزراوانەش کە پشتگیری ناڕاستیان کردوە ئەیانخەینە بەردەم لێپرسینەوە.