گه‌ڕان

Shadow Shadow
سیاسه‌تی

زانیارى زیاتر

ئەمەریکا: هەڕەشە ئەتۆمییەکەى پوتین بە جددی وەردەگرین

2022.09.22 - 08:20
App store icon Play store icon Play store icon
ئەمەریکا: هەڕەشە ئەتۆمییەکەى پوتین بە جددی وەردەگرین

ناس کورد-

 

ئەمەریکا ڕایگەیاند، قسەکانی ڤلادیمێر پوتین سەرۆکی ڕووسیا سەبارەت بە ئەگەری بەکارهێنانی چەکی ئەتۆمی بە جددی وەردەگرن.

کەناڵی ناس کورد لە تێلیگرام جۆین بکە   

 

جۆن کیربی وتەبێژی ئەنجومەنی ئاسایشی نەتەوەیی ئەمریکا لە چاوپێکەوتنێکی تەلەفزیۆنیدا ئاماژەى بەوەکرد، واشنتۆن هەڕەشەی پوتین بۆ بەکارهێنانی چەکی ئەتۆمی بە جددی وەردەگرێت، سوربوونى سەرۆکی ڕووسیا بۆ ئەم هەڕەشەیە لێکەوتەی جددی هەیە.

 

وتیشی "ئێمە بە باشترین شێوە چاودێری دۆخی ستراتیژی ئەوان دەکەین بۆ ئەوەی بتوانین ئەگەر پێویست بکات هەڵوێستی خۆمان بگۆڕین".

 

پوتین ڕۆژی چوارشەممە جوڵەکردنى بەشێکى زیاتر لە هێزەکانى روسیا بۆ ئۆکرانیا راگەیاند، لەگەڵ پلانى بانگهێشتکردنی ٣٠٠ هەزار سەربازى یەدەگ.

 

پوتین لە وتارێکدا کە ئاراستەی گەلی ڕووسیای کرد جەختیکردەوە، ئەگەر یەکپارچەیی خاکی وڵاتەکەی بخرێتە مەترسییەوە، هەموو ئامرازەکانی بەردەست بۆ پاراستنی ڕووسیا و گەلەکەى بەکاردەهێنین، لە ئاماژەیەکدا بۆ بەکارهێنانى چەکی ئەتۆمی.