گه‌ڕان

Shadow Shadow
سیاسه‌تی

زیاتر بزانە

بەشداربوویەكی تاقیكردنەوەكانی ئەوقاف: پرسیارەكان بۆ ئاشكراكردنی ئاڕاستەی بەشداربووان بوو

2022.09.20 - 14:12
App store icon Play store icon Play store icon
بەشداربوویەكی تاقیكردنەوەكانی ئەوقاف: پرسیارەكان بۆ ئاشكراكردنی ئاڕاستەی بەشداربووان بوو

ناس کورد-

ژمارەیەك بەشداربووی تاقیكردنەوەكانی دیاریكردنی ئاستی وتارخوێنانی خۆبەخشی مزگەوتەكان گلەیی ئەوە دەكەن، پرسیارەكانی تاقیكردنەوە زارەكییەكە كەمتر پەیوەندی بە ئاستی شەرعزانی و زانیاری بەشداربووانەوە هەبووە و زیاتریش بۆ دەرخستنی ئاراستەی بیركردنەوەیان بووە، لە كۆتاییشدا دەرچووەكان زیاتر سەر بە ئاراستەیەكی ئاینیین.

کەناڵی ناس کورد لە تێلیگرام جۆین بکە   

 

ئەو بەشدارانە ئەوەیان بۆ "ناس كورد" ڕوونكردەوە (20ی ئەیلولی 2022) لەبری ئەوەی تاقیكردنەوەی زارەكی لەبارەی ئەحكامەكانی شەریعەت بوون زیاتر پرسیاركردن بوون لەبارەی ئەوەی ئایا مامۆستا ئاینییەكە لە نوێژی بەیانی قنوت دەخوێنێت یان نا؟ بەشداری پرسە دەكات یان نا؟ رۆژانی هەینی چەند بانگ دەدات؟ سەرجەم ئەمانەش بۆ دەرخستنی ئاراستەی بیركردنەوەن و ڕاجیایی مشتومڕی فقیهی زۆریان لەسەرە و پەیوەندیشیان بەكاری وتاربێژییەوە نییە.

 

بەشداربووەكان سكاڵای ئەوەش دەكەن هەركەس بەدڵی ئاراستەی باو و پەسەندكراوی ئەوقاف وەڵامی نەدابێتەوە، زۆر بەدەگمەن لە تاقیكردنەوەكان دەرچوون و ئەمەش هیچ پەیوەندی بە تاقیكردنەوە و كێبەركێی زانستییەوە نییە و زیاتر لە تەزكییە دەچێت.


بەگوێرەی ئەو زانیارییانەی دەست "ناس كورد" كەوتوون لە سنووری ئەوقافەكانی هەولێر، دەرووبەری 158 بەشدار بوو دەرچوون و لە سنوری زۆنی سلێمانی 100 بەشدار بوو لەكاتێكدا ژمارەیەكی زۆر بەشداری تاقیكردنەوەكانیان كردووە.