گه‌ڕان

Shadow Shadow
سیاسه‌تی

بەپەلە

سەرکردایەتى یەکێتى ’’بڕیارى وەڵامدانەوەى’’ پەسەندکرد

2022.09.18 - 18:41
App store icon Play store icon Play store icon
سەرکردایەتى یەکێتى ’’بڕیارى وەڵامدانەوەى’’ پەسەندکرد

ناس کورد-

 

ئەنجومەنی سەرکردایەتی یەکێتی بڕیاریدا بە بەڵگە و دیکۆمێنت وەڵامی ئەو "هەموو ناهەقییانە" بدرێتەوە کە ماوەیەکە لەڕێی چەند کتێبێکەوە دەرهەق بە یەکێتی و سەرکردەکانی کراون.

کەناڵی ناس کورد لە تێلیگرام جۆین بکە   

 

ئەو بڕیارە لە کۆبوونەوەى ئەمڕۆى سەرکردایەتى یەکێتیدا درا کە ئەمڕۆ یەکشەممە بە سەرۆکایەتی بافڵ تاڵەبانى بەڕێوەچوو، ئەوەش بەپێی راگەیەنراوى کۆتایی کۆبوونەوەکە کە دەست "ناس کورد" کەوتووە.

 

دەقى راگەیەنراوەکە:

 

راگەیەندراوی کۆبوونەوەی ئەنجومەنی سەرکردایەتی یەکێتیی نیشتمانیی کوردستان

 

ئەنجومەنی سەرکردایەتی یەکێتیی نیشتمانیی کوردستان بە سەرۆکایەتی هەڤاڵ بافڵ جەلال تاڵەبانی کۆبوونەوەی ئاسایی خۆی کرد.

 

کۆبوونەوەی سەرکردایەتی کە ئەمڕۆ 2022/9/18 لە هۆڵی کۆبوونەوەکانی ئەنجومەن بەڕێوەچوو، تەرخانکرا بۆ کاروباری رێکخراوەیی مەکتەب و ئۆرگانەکانی یەکێتی، لەمبارەیەوە رێوشوێنی پێویست گیرایەبەر.

 

بەشێکی تری کۆبوونەوەکە تایبەت بوو بە پێویستیی داکۆکیکردن لە مێژووی پڕ سەروەریی و شانازی یەکێتیی نیشتمانیی کوردستان و شۆڕشی نوێی گەلەکەمان.

 

کۆبوونەوە بڕٍیاریدا بۆ پارێزگاریکردن لە رەوتی ئەو مێژووە لە هەر شێواندن و چەواشەکارییەک، لەڕێی بەڵگە و دیکۆمێنتی پشتڕاستکراوەوە داکۆکی لەو مێژووە و سەروەرییەکانی بکرێت، بەتایبەتی وەڵامی ئەو هەموو ناهەقییانە بدرێتەوە کە ماوەیەکە لەڕێی چەند کتێبێکی چەواشەکارانەوە دەرهەق بە خەباتی مێژوویی یەکێتی و سەرکردەکانی کراون و مێژووی گەلەکەمان و رەمزەکانی بەلاڕێدا دەبەن.