گه‌ڕان

Shadow Shadow
سیاسه‌تی

فەرمى

سەرۆکى ئێران فەرمانێکى بەپەلەى لەبارەى مەرگى ژینا ئەمینى دەرکرد

2022.09.18 - 17:14
App store icon Play store icon Play store icon
سەرۆکى ئێران فەرمانێکى بەپەلەى لەبارەى مەرگى ژینا ئەمینى دەرکرد

ناس کورد-

 

ئیبراهیم رەئیسی سەرۆککۆمارى ئێران فەرمانیکرد بەپەلە بەدواداچوون بۆ گیان لەدەستدانى ژینا ئەمینى بکرێت.

کەناڵی ناس کورد لە تێلیگرام جۆین بکە   

 

بەپێی میدیاى فەرمى ئێران، رەئیسی لە پەیوەندی تەلەفۆنی لە گەڵ بنەماڵەی مەهسا (ژینا) ئەمینی وتویەتى "لەو کاتەدا من لە سەفەری ئۆزبەکستان بووم و بەپەلە فەرمانم بە هاوکارەکانم دا بە شێوەی تایبەت بەدواداچوون بۆ ئەم رووداوە بکەن".

 

وتیشى "دڵنیا بن ئەم بابەتە لە دەزگا بەرپرسەکان داوا دەکەم تا هەموو لایەنەکانی روون بێتەوە".

 

"هەموو کچانی ئێران بە منداڵی خۆم دەزانم و کچەکەی ئێوەش وەکوو کچی خۆم دەزانم و هەستم وایە ئەم رووداوە بۆ یەکێک لە ئازیزانی من روویداوە"، رەئیسى وایوت.

 

لە پەیوەندییەکەدا بنەماڵەی ئەمینی داوایان کرد بەدواداچوون بۆ ئەم رووداوە بکرێت.

 

رێکخراوى مافى مرۆڤى هەنگاو (16-9-2022) بڵاویکردەوە، ژینا ئەمینی (مەهسا ئەمینی) تەمەن ٢٢ ساڵ و خەڵکی سەقز کە ئێوارەی ڕۆژی سێشەممە (١٣ی سێپتەمبەری ٢٠٢٢) لەلایەن هێزەکانی ئیرشادی تاران درایە بەر لێدان و چووبووە دۆخى بێهۆشى، نیوەڕۆی هەینی لە نەخۆشخانەی کەسرای شاری تاران بە هۆی قورسی برینەکانییەوە گیانی لە دەستدا.  

  

بنەماڵەی ئەمینی هەواڵی گیان لەدەستدانی کچەکەیان  پشتڕاست کردەوە.  

  

ژینا ئەمینی لە نزیک شاڕێی حەقانی تاران لەلایەن گەشتی ئێرشاد دراوەتە بەر لێدان و دوای دەستبەسەرکراو گوازرایەوە بۆ زیندانى وزەرای ئەو شارە.  

  

یەکێک لە نزیکەکانی بنەماڵەی ئەمینی لەمبارەوە بە هەنگاوی ڕاگەیاند، ژینا ئەمینی لە کاتی دەستبەسەرکران دراوەتە بەر لێدان و سەری بە سەختی بریندار بووە دوای گواستنەوە بۆ زیندان باری تەندروستی تێک دەچێت و بە ئەمبوڵانس دەیگوازنەوە بۆ نەخۆشخانەی کەسرا.  

  

ئەو سەرچاوەیە ڕایگەیاند، پزیشکەکان بە بنەماڵەی ئەمینییان ڕاگەیاندووە ژینا تووشی جەڵتەی مێشک بووە هیوایەک بۆ باشبوونەوەی نییە.