گه‌ڕان

Shadow Shadow
سیاسه‌تی

نوێ

سلێمانی؛ زاوایەک هاوسەرەکەی و خەزور و خەسوی دایە بەر چەقۆ

2022.09.18 - 14:32
App store icon Play store icon Play store icon
سلێمانی؛ زاوایەک هاوسەرەکەی و خەزور و خەسوی دایە بەر چەقۆ

ناس کورد- 

لە سلێمانی زاوایەك هاوسەرەکەی و خەزوور و خەسووی‏ بە چەقۆ بریندار کرد، دواتر ئەویش لەلایەن کەسانی بەرامبەرەوە بریندار کراوە و لە نەخۆشخانە دەستبەسەر کراوە، بەڕێوەبەری بەڕێوەبەرایەتیی بەرەنگاربوونەوەی توندوتیژی ‏دژی ئافرەتان ‌و خێزان لە سلێمانی دەڵێت، ڕووداوەکە لەسەر کێشەی خێزانی بووە. 

کەناڵی ناس کورد لە تێلیگرام جۆین بکە   

 

سەرکەوت عومەر، بەڕێوەبەری بەڕێوەبەرایەتیی بەرەنگاربوونەوەی توندوتیژی ‏دژی ئافرەتان ‌و خێزان لە سلێمانی بە "ناس کورد"ی وت،  رووداوەکە ئێوارەی رۆژی شەممە 17-9-2022، ‏لە گەڕەكی ئاوارەكانی تانجەرۆ لە سلێمانی روویداوە و زاواکە هاوسەرەکەی و خەزوور و خەسو‌وی خۆی بە چەقۆ بریندار کردووە." 

 

ئاماژەی بەوەشکرد، " دوای ئەوەی زاواکە کە تەمەنی 21 ساڵە، بۆ وەرگرتنی چارەسەر براوەتە نەخۆشخانەی شار، لەوێ دەستگیرکراوە." 

 

سەبارەت بە هۆکاری رووداوەکەش، بەڕێوەبەری بەڕێوەبەرایەتیی بەرەنگاربوونەوەی تووندوتیژی ‏دژی ئافرەتان ‌و خێزان لە سلێمانی وتی، "بەهۆی كێشەیەكی ‏خێزانییەوە بووە."

 

وتیشی، "بریندارەکان تەندروستییان جێگیرە و هیچ مەترسییەک لەسەر ژیانیان نییە."