ناس کورد-
جێگری سەرۆکی حکومەتی هەرێم ڕایگەیاند، ساڵی ٢٠٢٣ دەکەنە ساڵی وەبەرهێنان، بەڵێنیش دەدات، "هەر بەمە ناوەستین و لە داهاتووشدا چ لە سلێمانی و چ لە شار و شارۆچکەکانی دیکە بە تەواوی هێزمانەوە بەردەوام دەبین لە شەڕی تەمبەڵی و بەرەنگاربوونەوەی هەر کارێکی نایاسایی."
کەناڵی ناس کورد لە تێلیگرام جۆین بکە
لە پەیامێکدا قوباد تاڵەبانی، جێگری سەرۆکی حکومەتی هەرێم (شەممە 17-9-2022) ڕایگەیاند، "ئەو ڕێکارانەی لە سلێمانی گیراونەتەبەر، بۆ کۆتایی هێنان بووە بەو فەوزایەی هەبووە، لێرەش ناوەستین، بەڵکو لە هەموو شار و شارۆچکەکان بەردەوام دەبین، بەهەموو توانامانەوە کار دەکەین بۆ کۆتاییهێنان به زیادەڕۆیی و دەستێوەردان لە بازاڕ."
ئاماژەی بەوەشکردووە، "ساڵی ٢٠٢٣ دەکەینە ساڵی وەبەرهێنان، هەموو لایەک دڵنیا دەکەینەوە هەر بەمە ناوەستین و لە داهاتووشدا چ لە سلێمانی و چ لە شار و شارۆچکەکانی دیکە بە تەواوی هێزمانەوە بەردەوام دەبین لە شەڕی تەمبەڵی و بەرەنگاربوونەوەی هەر کارێکی نایاسایی."
دەشڵێت، "هیچ رێگایەکمان لەبەردەستدا نییە جگە لەبەدەستهێنانەوەی متمانەی جەماوەرەکەمان."
