گه‌ڕان

Shadow Shadow
سیاسه‌تی

زانیاریی زیاتر

نهێنیی نوێ لەبارەی کوژرانی ئەفسەرەکەی وەزارەتی پێشمەرگە ئاشکرا کرا

2022.09.17 - 18:36
App store icon Play store icon Play store icon
نهێنیی نوێ لەبارەی کوژرانی ئەفسەرەکەی وەزارەتی پێشمەرگە ئاشکرا کرا



ناس کورد-

 

بەڕێوەبەرایەتی ئاسایشی ئاكرێ راگەیاندراوێكی دیكەی لەبارەی ڕووداوی كوژرانی ئەفسەرەکەی وەزارەتی پێشمەرگە بڵاوكردەوە و چەند زانیارییەکی نوێی لەوبارەیەوە ئاشكرا كرد.

 

کەناڵی ناس کورد لە تێلیگرام جۆین بکە   

 

بۆ رای گشتی

ڕوونكردنەوە

لە بەرواری ١٥ی ٩ی ٢٠٢٢ لە ڕووداوێكی دڵتەزێندا تۆمەتبارێك بە ناوی (و- ف - س) لەناو سەنتەری قەزای ئاكرێ ئەفسەرێكی پێشمەرگەی بە ناوی شەهید (عەقید صابڕ جومعە عەبدولڕەحمان) تیرۆر كرد.

- سەرەخۆشی لە خانەوادەی شەهید دەكەین و لەدەست دانی ئەو خەسارەتێكی گەورەیە و هەڵگری خەمی ئەوین.

- لەبارەی لێدوانی برایەكی شەهید عەقید سابر كە بۆ هەندێك دەزگای میدیایی داوە و رای گەیاندووە كە تۆمەتباری ئەو تاوانە (چەك و ئۆتۆمبێل و كەلوپەلی ئاسایش)ی بەكارهێناوە، ئێمە وەك بەڕێوەبەرایەتیی ئاسایشی ئاكرێ ئەم قسانە ڕەت دەكەینەوە و هیچ راستییەكی نییە، ئەو چەك و كەلوپەلە سەربازییانەی لەم تاوانەدا بەكار هێندراون، موڵكی ئاسایش نین و تایبەت بوون بە تۆمەتبار و دیارە پێش دەركرانی ڕێنمایی نوێی چەك لە لایەن (وەزارەتی ناوخۆوە)، تۆمەتبار بەدەستی خستوون. هەروەها ئەو ئۆتۆمبێلەشی لای تۆمەتبارەكە بووە، ئۆتۆمبێلێكی تایبەتە و موڵكی ئاسایش نییە.

- لە ڕۆژی ڕوودانی ئەم تاوانە، هێزە ئەمنییەكانی ئێمە بە هەماهەنگی لەگەڵ بەڕێوەبەرایەتیی پۆلیسی ئاكرێ، لە شوێنی ڕووداوەكە ئامادەبوون و بەشداربووین لە دەستبەسەركردنی تاوانبارەكەدا.

- دلنیایی دەدەینە هەموو خەڵكی دەڤەری خۆمان، هێزەكانی ئێمە هەردەم بۆ پاراستنی ئاسایشی دەڤەرەكە و هاووڵاتییان بێ هیچ خەمساردییەك بەردەوام لە ئەركدان و یاسا سەروەرە بۆ هەموو چین و گەڕەكێك بەبێ جیاوازی.

 

بەڕێوەبەرایەتیی ئاسایشی ئاكرێ

١٧ی ٩ی ٢٠٢٢