گه‌ڕان

Shadow Shadow
سیاسه‌تی

رۆژنامەكەی حیزبوڵڵا: سەدر تەنها سێ بژاردەی لە بەردەمدایە

2022.09.15 - 11:51
App store icon Play store icon Play store icon
رۆژنامەكەی حیزبوڵڵا: سەدر تەنها سێ بژاردەی لە بەردەمدایە

ناس کورد-

 

رۆژنامەى (ئەخبار) ى سەر بە حزبوڵا بڵاویکردەوە، دوای بێ ئەنجامى هەوڵەکانی سەرۆکی "ڕەوتی سەدر" بۆ هەڵوەشاندنەوەی پەرلەمان، بژاردەکان لەبەردەمیدا بەرتەسک بوونەتەوە و ئێستا تەنها سێ بژاردەى لەبەردەمدایە.

 

کەناڵی ناس کورد لە تێلیگرام جۆین بکە   

 

بەپێی رۆژنامەکە (15-9-2022)، سەدر ئێستا سێ بژاردەی لەبەردەستدایە: یان بگەڕێتەوە سەر شەقام بۆ ئەوەی لەگەڵ ڕکابەرەکانیدا شەڕێکی نادیار بکات و ڕابکێشرێتە ناو شەڕێکی شیعە و شیعە؛ یان دەستبەرداربوون و قبوڵکردنی دیالۆگ، یاخود وازهێنان لە سیاسەت، ئەمجارەیان بە کردەوە نەک تەنیا بە وشە.

 

پێشتر “وەزیری سەدر” بژاردەی گەڕانەوەی بۆ پەرلەمان ڕەتکردبووەوە، ئەگەر دادگای باڵای فیدراڵی، لە بڕیارێکی چاوەڕوانکراودا لە ٢٨ی ئەیلولدا، قبوڵکردنی دەستلەکارکێشانەوەی ٧٣ پەرلەمانتارى “سەدری” هەڵبوەشێنێتەوە.

 

بەپێی رۆژنامەکە، سەدر بە تەنیا بەرپرسیار نییە لە بەردەوامبوونی چەقبەستوویی سیاسی، بەتایبەت کە "چوارچێوەی هەماهەنگی" نەیتوانی هەنگاوێک هەڵبگرێت بۆ ئاسانکاری بۆ گەڕانەوە بۆ دیالۆگ، بە ڕاگەیاندنی پابەندبوونی خۆی بە کاندیدکردنی محەمەد شییاع سودانی بۆ سەرۆک وەزیران، سەرەڕای ئەوەی کە کاندیدکردنى سودانى سەدریەکانی هاندا بۆ چونە سەر شەقام، بەو پێیەى سودانی سەر بە سەرۆک وەزیرانی پێشوو نوری مالیکی، ڕکابەری سەرسەختی سەدرە.