گه‌ڕان

Shadow Shadow
سیاسه‌تی

وردەکاریی

دادگا و پاسداران لەسەر خۆفڕێدانى شلێر رەسوڵى لەترسی دەستدرێژی هاتنەدەنگ

2022.09.13 - 20:57
App store icon Play store icon Play store icon
دادگا و پاسداران لەسەر خۆفڕێدانى شلێر رەسوڵى لەترسی دەستدرێژی هاتنەدەنگ

ناس کورد-

 

وتەبێژى دەزگاى دادوەرى ئێران رایگەیاند، ئەو ژنەى لە مەریوان خۆى فڕێدایە خوارەوە لەلایەن کەسێکەوە بەبارمتەگیرابوو، سوپاى پاسدارانیش داواى سزادانى توندى ئەو کەسە دەکات.

کەناڵی ناس کورد لە تێلیگرام جۆین بکە   

 

مەسعود ستایشى وتەبێژى دەزگاى دادوەرى ئێران (13-9-2022) بە میدیاکانى وڵاتەکەى راگەیاند، کەسێک بەناوى "گۆران قادرى" ئەو ژنەى بە بارمتە گرتووە و هەوڵیداوە دەستدرێژى بکاتەسەر، بۆیە ژنەکە خۆى فڕێداوەتە خوارەوە.

 

ئاماژەى بەوەشکردووە، بە بڕیارى دادگا ئەو تۆمەتبارە دەستگیرکراوە.

 

لاى خۆیەوە، سوپاى پاسداران لە راگەیەنراوێکدا داواى کرد بە توندى تۆمەتبارەکە سزا بدرێت.

 

شلێر ڕەسووڵی تەمەن ٣٦ ساڵ کە مەبەستی دەربازبوون لە دەستدرێژیی کەسێک خۆی لە خانوویەک فڕی دایەوە خوارەوە و بەهۆیەوە بێهۆش بوو، رۆژى (8-9-2022) دوای شەش ڕۆژ مانەوە لە نەخۆشخانە گیانى لەدەستدا.  

  

ڕێکخراوی مافی مرۆڤی هەنگاو لەسەر پێگەى خۆى بڵاویکردەوە، شلێر ڕەسووڵی کاتژمێری ٢ی سەرلەبەیانی ڕۆژی شەممە (٣ی سێپتەمبەری ٢٠٢٢) لەلایەن (گ.ق) خەڵکی گوندی گۆشخانی و دانیشتووی مەریوان بە بیانووى نەخۆش بوونی هاوژینەکەی و یارمەتیدانی چووەتە ماڵیان.  

  

ئاماژەى بەوەشکردووە، بەڵام کاتێک شلێر دەچێتە ماڵی ناوبراو دەبینێت کە هاوژینەکەی لە ماڵ نییە و پیاوەکەى دەیەوێت دەستدرێژی بکاتە سەری. هەر بۆیەش شلێر خۆی لە دەلاقەی نهۆمی دووەمەوە بیناکەوە فڕێ دەداتە خوارەوە.  

  

شلێر ڕەسووڵی کە دایکى دوو منداڵە خەڵکی گوندی چەشمیەری سەر بە سەوڵاوا و دانیشتووی مەریوان و هاوسەرەکەی لە هەرێمی کوردستان سەرقاڵی کرێکاری بووە.   

  

(گ.ق) هەمان ڕۆژ لەلایەن هێزەکانی پۆلیسەوە دەستبەسەر کراوە و ئێستاش دەستبەسەرە.  

  

سەرچاوەکانی هەنگاو بە پشتبەستن بە قسەی خەڵکی مەریوان ڕایانگەیاندووە کە (گ.ق) لە ساڵانی ڕابردوودا هاوکاری ناوەندە ئەمنییەکانی ئێران کردووە و پەیوەندی هەبووە لەگەڵیان و چەندین جاریش بە هۆی دزی، دەمەقاڵێ، چەقۆ کێشان، دەستبەسەر و هەر بە هۆی ئەو پەیوەندییانەوە خێرا ئازاد کراوە.