گه‌ڕان

Shadow Shadow
سیاسه‌تی

بەپەلە

وەزارەتی پەروەردە چەند کارێکی لە قوتابیان قەدەغەکرد

2022.09.13 - 12:02
App store icon Play store icon Play store icon
وەزارەتی پەروەردە چەند کارێکی لە قوتابیان قەدەغەکرد

ناس کورد-

وەزارەتی پەروەردەی هەرێمی کوردستان بڕیاری دا بە قەدەغەکردنی هەڵگرتنی چەک، جگەرە کێشان، ڕیکلامی بازرگانی و سیاسی، تەوندوتیژی و بەکارهێنانی مۆبایل لە قوتابخانەکاندا.

کەناڵی ناس کورد لە تێلیگرام جۆین بکە   

 

 

بەگوێرەی نوسراوێکی وەزارەتی پەروەردە د. ئالان حەمەسەعید، وەزیری پەروەردە (دووشەممە 12-9-2022) ئاراستەی بەڕێوەبەرایەتییە گشتییەکانی پەروەردەکراوە، چەند رێنماییەکی نوێی تێدایە بۆ ساڵی نوێی خوێندن، کە ئەمانەن:

 

1- هەڵگرتن و بەکارهێنانی چەک و ئامێری بریندارکەر و مەترسیدار، جگە لە رێکاری کارگێری، پێویستە لەڕێگەی بەڕێوەبەرایەتیی گشتیی پەروەردەوە، لایەنی پەیوەندیداری حکومەت، لە هەر حاڵەتێک ئاگاداربکەنەوە.

 

2- جگەرەکێشان و نێرگەلەکێشان (بە هەموو جۆرەکانییەوە).

 

3- چالاکی دوور لە پەروەردە و فێرکردن و ریکلامی بازرگانی و چالاکی سیاسی.

 

4- بەکارهێنانی توندوتیژی (جەستەیی و دەروونی و مەعنەوی) و بەکارهێنانی رەفتاری یەکتر شکاندن.

 

5- بەکارهێنان و نیشاندانی ئەو دروشمانەی لەگەڵ بنەماکانی پێکەوەژیانی ئاشتیانەی گەلی کوردستان ناگونجێن.

 

6- بەکارهێنانی ئامێری مۆبایل و ئامێری زیرەک بۆ (وێنەگرتن یان ڤیدیۆ تۆمارکردن و کردنەوەی لایڤ لە کاتی وانە وتنەوە) بە هەموو جۆرێک رێگە پێنەدراوە.

 

1663052818c05cffdb-7050-462f-9b63-d258320464d8.jpg