گه‌ڕان

Shadow Shadow
سیاسه‌تی

نامەیەک بۆ بافڵ تاڵەبانى

مەلا مەزهەر لەسەر دەرکەوتنى بەڕێوەبەرە ژنەکەى مزگەوتەکان هاتەدەنگ

2022.09.12 - 14:02
App store icon Play store icon Play store icon
مەلا مەزهەر لەسەر دەرکەوتنى بەڕێوەبەرە ژنەکەى مزگەوتەکان هاتەدەنگ

ناس کورد-

مەلا مەزهەر خۆراسانى دەرکەوتنى بەڕێوەبەرى مزگەوتەکانى سلێمانى بەبێ سەرپۆش بە "سوکایەتى" دادەنێت و داوا لە بافڵ تاڵەبانى سەرۆکى یەکێتى دەکات پێداچوونەوەى بەپەلە بکات لەو بارەیەوە.

کەناڵی ناس کورد لە تێلیگرام جۆین بکە   

 

ئەمڕۆ (12-9-2022) وێنەى ژنێک تۆڕە کۆمەڵایەتییەکانى تەنى کە وەک بەڕێوەبەری مزگەوتەکان و پشکنین لە ئەوقافی سلێمانی خۆى ناساندووە لەکاتى سەرپەرشتیکردنى کۆبونەوەی بەرپرسی مزگەوتەکانی پارێزگاکە.  

  

مەلا مەزهەر (12-9-2022) لە نامەیەکدا کە ئاڕاستەى بافڵ تاڵەبانى کردووە نوسیویەتى "ئەم وێنەیە لە سۆشیاڵ بڵاو بوەتەوە تەواوی تۆڕە کۆمەڵایەتیەکانی تەنیوە وا دەردەکەوێت بەڕێوەبەر ی مزگەوتەکان و پشکنین بێت، ئەگەر ڕاست بێت جێگای  گلەیی و جێگای ڕەخنە یە".  

  

دەشڵێت "لەگەڵ ڕێزمان بۆ ئەم دادەیە کەدەبوو مادام فەرمانبەرە لەنێو دەزگایەکی پیرۆزە دەبوو حیجاب بوایە، نەدەبوو لەدەزگایەکی ئیسلامی و ئاینی بەسەری ڕوتەوە بێ حیجاب بەڕێوەبەری پیرۆزترین شوێن کەمزگەوتەکانە بوایە".  

  

"ئەمە ئەوپەڕی سوکایەتی و لەنگییە بەرامبەرمزگەوتەکان کراوە سەرەڕای سوکایەتیەکی ڕون و ئاشکرایە بەرامبەر زانایان و مامۆستایانی ئاینی کوردستان و شاری سلێمانی هیوادارم پێداچونەوەیەکی زۆربەپەلە بۆهەموکەم وکورتی وهەڵەکان بکەن وزوربەزویی چارەیەکی گونجاویان بۆبدۆزنەوە"، مەلا مەزهەر وادەڵێت.  

  

جیلان سەباح بەڕێوەبەری مزگەوتەکان و پشکنین لەبەڕێوەبەرایەتی گشتی ئەوقافی سلێمانی (12-9-2022) لە بڵاوکراوەیەکدا رایگەیاند، لەکۆبوونەوەیەکدا لەگەڵ لێپرسراوی مزگەوتەکانی سنوری ئەوقافی (سلێمانی و چەمچەماڵ و شارەزور) جەخت کرایەوە لەسەر، زیاتر خزمەت کردنی مزگەوتەکان لەڕوووی ئیداری و پاک و خاوێنی و پاراستنی کەل و پەلی مزگەوت و ڕەچاوکردنی تەندروستی و مەرجی بیناسازی، بەرزو نزمی بڵند گۆکان و ڕەچاوکردنی باری دەرونی هاوڵاتیان، پاراستنی ئاسایش و هێمنی نێو مزگەوت و بەهێز کردنی گیانی برایەتی و لێبوردەیی ناو نوێژخوێنان و ئامادەکردنی ئاماری مزگەوتەکان.