گه‌ڕان

Shadow Shadow
سیاسه‌تی

وردەکاریی

کارگێڕی لقی 12ی پارتی: پاراستن دەستوەردان لە کۆنگرەی پارتیدا دەکات

2022.09.12 - 10:22
App store icon Play store icon Play store icon
کارگێڕی لقی 12ی پارتی: پاراستن دەستوەردان لە کۆنگرەی پارتیدا دەکات

ناس کورد- 

 

نورەدین بەشارەتی، كارگێڕی لقی 12ی پارتی ڕایگەیاند، لە هەڵبژاردنە نێوخۆییەکانی پارتی بۆ کۆنگرەی 14ی حزبەکە، بەرپرسی لقەكە ناچاركراوە بەوەی ئەندامانی دەزگای پاراستن داخڵی هۆڵی دەنگدان بكات‌ و بەشێوەی ناڕەوا دەنگبدەن.

کەناڵی ناس کورد لە تێلیگرام جۆین بکە   

 

دەقی نوسینەكەی نورەدین بەشارەتی، كارگێڕی لقی 12ی پارتی‌: 

 

زۆر بەڕێز جەنابی سەرۆك بارزانی

بەڕێز كاك نێچیرڤان بارزانی جێگری سەرۆك

بەڕێز كاك مەسرور بارزانی

 

جێگەی داخە لێرەوە دەردە دڵی خۆم‌و فەزاحەتی ئەمڕۆی هەڵبژاردنی ئەندامانی كۆنگرە لە لقی 12 ئاراستەی بەڕێزتان دەكەم، چونكە پێم وایە بەهیچ شێوازێكی حیزبی تر ناتوانم ئەم پەیامە بگەیەنمە لای بەڕێزتان.

 

بەڕێز جەنابی سەرۆك، ئێمە پێمان وابوو، لەكاتێكدا بەهەموو توانامان سەرقاڵی كاری پارتایەتی‌و ڕوبەڕوبوونەوەی نەیارەكانی پارتین، لە زۆنێكدا كە پارتایەتی تیایدا مجازەفەیە بەشەرفیشمان، دەزگا ئەمنییەكانی ئێمەش، لەخەمی پاراستنی ئێمە دەبن. بەڵام بەداخەوە پێچەوانەی بروسكەی بەڕێزتان‌و مەكتەبی سیاسی بەڕێز، كە تەئكید لە پابەند بوون بەداتا پەیسەوە دەكەن، ژمارەیەك هەڤاڵی دەزگای پاراستن، بە بڕیارێك و میزاجی شەخسی، بەبێ ئەوەی ناویان لەداتا پەیسدا هەبێت، بۆ گۆڕینی ئەنجامی هەڵبژاردن (19) هەڤاڵی دەزگای پاراستن داخڵی هۆڵی دەنگدان كران و دەنگیان پێ درا، ئەم تەدەخولە ناڕەواو ناحیزبیە من لە كۆنگرە بێبەش دەكات، لەكاتێكدا بەبێ دەنگی ئەو (19) هەڤاڵە من یەكەم دەنگی بازنەكەم مسۆگەر كردبوو، لەئەنجامدا بەوهۆیەوە بە 2 دەنگ شەرعیەتی ئەندامی كۆنگرەیان لەمن سەندەوە.

 

بۆیە لەبەرامبەر ئەم كارە من ئێستا گومانم لە پارتایەتی‌و خەبات‌و هەموو ئەو قوربانیانە هەیە، كە لەپێناو حیزبەكەم داومە، لە كاتێكدا حەساسترین دەزگا كە بەچاوی حیزبەكەم ناسراوە، بۆ پاڵپشتی لە كەسانێكی تر كە هەڤاڵی خۆمن بكەونە دژایەتی ئێمە، من دڵنیام ئەم كارە لە ناوەندی بڕیاری ئەم دەزگایەوە سەرچاوەی نەگرتوە.

 

پێویست وا بوو ئەوان خاوەنداری لە هەموومان بكەن، نەك لەهەر ئۆرگانێكی پارتی، دوو كەس ڕازی بكەن و دەیانی تر لەخۆیان و پارتیش زویر بكەن.

 

بەڕێز جەنابی سەرۆك؛ ناچاركردنی بەڕێز بەرپرسی لقی 12 بە دەنگدانی ئەو دەزگایە، لەكوێی بەرژەوەندی پارتی و بروسكەكەی بەڕێزتان و مەكتەبی سیاسی پارتیدا جێی كراوەتەوە! بۆچی و لەپێناوی چی؟