گه‌ڕان

Shadow Shadow
سیاسه‌تی

وردەکاریی

لیژنەى دارایی: مافى فەرمانبەران لەموچە پاشەکەوتکراوەکان گرەنتى دەکرێت

2022.09.11 - 19:00
App store icon Play store icon Play store icon
لیژنەى دارایی: مافى فەرمانبەران لەموچە پاشەکەوتکراوەکان گرەنتى دەکرێت

ناس کورد-

 

لیژنەی دارایی پەرلەمانی کوردستان رایگەیاند، ڕاپۆرتێکی لەبارەی موچە و ماف و شایستەکانی فەرمانبەران ئامادە کردووە و بانگھێشتی لایەنی پەیوەندیدار دەکات، بۆ ئەوەى مافى فەرمانبەران لەموچە پاشەکەوتکراوەکان گرەنتى بکرێت.

کەناڵی ناس کورد لە تێلیگرام جۆین بکە   

 

لیزا کاکەیی پەرلەمانتارى پارتى و ئەندامى لیژنەى دارایی (11-9-2022) بە پێگەى فەرمى حزبەکەى وت "ژمارەیەک ڕاپۆرتی گرنگ لەلایەن پەرلەمانەوە ئامادە کراون، لەوانەش ڕاپۆرتی لیژنەی دارایی لەبارەی موچە و ماف و شایستەکانی فەرمانبەران".

 

رونیشیکردووەتەوە "لەو ڕاپۆرتانەدا بەوردی لیژنەی دارایی کاری لەسەر کردووە بۆ ئەوەی مافی فەرمانبەران زامن بکرێت لە موچە پاشەکەوتکراوەکان و پلەبەرزکردنەوەی فەرمانبەران و فەرمانبەرانی گرێبەست".

 

ئەندامەکەی لیژنەی دارایی دەشڵێت "پەرلەمان بانگھێشتی وەزیری دارایی و ستافی پەیوەندیدار لە حکوومەت دەکات بۆ ئەوەی لە نزیکەوە ئاگادار بین تا بزانین حکومەت بەنیازی چییە لەبارەی پرسە داراییەکان و پاراستنی مافی فەرمانبەران.''

 

لیزا کاکەیی ئاماژەی بەوەکرد، لیژنەی دارایی لە پەرلەمانی کوردستان دەیەوێت لەو ھەنگاوانەی حکومەت بکۆڵێتەوە کە تایبەتن بە فەرمانبەران، "لەبەرئەوەی نیازمان وایە کار لەسەر ئەو بابەتانە بکەین، کە پەیوەستن بە ژیان و گوزەرانی فەرمانبەرانی حکومەت، ھەتا لە دامەزراندنی سێ یەکەمەکانی زانکۆش دەکۆڵینەوە.''