گه‌ڕان

Shadow Shadow
سیاسه‌تی

بزانە باسی چییان کردووە

ناوەڕۆکی کۆبوونەوەی نێچیرڤان بارزانی لەگەڵ شاندێکی سەربازیی بەریتانی

2022.09.07 - 10:50
App store icon Play store icon Play store icon
ناوەڕۆکی کۆبوونەوەی نێچیرڤان بارزانی لەگەڵ شاندێکی سەربازیی بەریتانی

ناس کورد-

نێچيرڤان بارزانى، سه‌رۆكى هه‌رێمى كوردستان ‏پێشوازى له‌ به‌ڕێز مارشال سامى سامپسۆن، ڕاوێژكارى باڵاى سه‌ربازيى به‌ريتانيا بۆ ڕۆژهه‌ڵاتى ‏ناوه‌ڕاست و باكوورى ئافريكا و شاندێكى ياوه‌رى كرد.‏

کەناڵی ناس کورد لە تێلیگرام جۆین بکە   

 

بەپێی ڕاگەیەنراوی سەرۆکایەتی هەرێم، له‌ كۆبوونه‌وه‌يه‌كدا كه‌ وه‌زيرى پێشمه‌رگه‌ى حكوومه‌تى هه‌رێمى كوردستان ئاماده‌ى بوو، ‏په‌يوه‌ندييه‌كانى به‌ريتانيا له‌گه‌ڵ عێراق و هه‌رێمى كوردستان، دوايين پێشهاته‌كانى دۆخى ‏سياسيى عێراق، مه‌ترسييه‌كانى تيرۆر و جموجووڵه‌كانى داعش، پرۆسه‌ى چاكسازى له‌ ‏وه‌زاره‌تى پێشمه‌رگه‌ و په‌يوه‌ندييه‌كانى هه‌ولێر ـ به‌غدا تاوتوێ كران.‏

 

دەشڵێت، "نێچيرڤان بارزانی سوپاس و پێزانينى هه‌رێمى كوردستانى بۆ به‌ريتانيا دووپات كرده‌وه‌ كه‌ له‌ ‏شه‌ڕى دژى داعشدا هاوكارى و پشتگيرى پێشكه‌ش به‌‌ عێراق و هه‌رێمى كوردستان كرد، ‏هه‌روه‌ها جه‌ختى له‌ پێويستيى به‌رده‌واميى هاوكاريى به‌ريتانيا و دۆستان له‌ كۆمه‌ڵگه‌ى ‏نێوده‌وڵه‌تى كرده‌وه‌ بۆ ڕووبه‌ڕووبوونه‌وه‌ى مه‌ترسييه‌كانى تيرۆر و سه‌رخستنى پرۆسه‌ى ‏چاكسازى و ڕێكخستنه‌وه‌ى پێشمه‌رگه‌.‏"

 

هه‌ردوولا "هاوڕا بوون له‌سه‌ر پێويستيى گه‌يشتنى لايه‌نه ‌سياسييه‌كان به‌ لێكگه‌يشتن و ‏ڕێككه‌وتن بۆ تێپه‌ڕاندنى سه‌ختى و ته‌حه‌دييه‌كانى به‌رده‌م پرۆسه‌ى سياسى له‌ عێراق و ‏پاراستنى ئارامى و سه‌قامگيريى سياسيى وڵات، هه‌روه‌ها جه‌ختيان له‌ گرنگيى يه‌كڕيزيى لايه‌نه‌ ‏سياسييه‌كانى هه‌رێمى كوردستان كرده‌وه‌."

 

باسی لەوەشکردووە کە "دۆخى ناوخۆى هه‌رێمى كوردستان، په‌يوه‌ندييه‌كانى عێراق و هه‌رێمى كوردستان له‌گه‌ڵ وڵاتانى ‏دراوسێ، پێشهاته‌كانى ناوچه‌كه‌ به‌گشتى و چه‌ند پرسێكى ديكه‌ى جێى بايه‌خى هاوبه‌ش، ‏ته‌وه‌رێكى ديكه‌ى كۆبوونه‌كه‌وه‌ بوو كه‌ به‌ڕێز كونسولى گشتيى به‌ريتانيا له‌ هه‌ولێر ئاماده‌ى بوو."

me_ga.php?id=5564