گه‌ڕان

Shadow Shadow
سیاسه‌تی

کوژراو و بریندار هەیە

شەڕ لەنێوان هێزی ڕزگاری عەفرین و سوپای تورکیا ڕویدا

2019.08.09 - 19:15
App store icon Play store icon Play store icon
شەڕ لەنێوان هێزی ڕزگاری عەفرین و سوپای تورکیا ڕویدا

کەناڵی ناس کورد لە تێلیگرام جۆین بکە   

ناس کورد- پاش نزیکبوونەوە لە ڕێککەوتنی ئەمریکا و تورکیا لەسەر دروستکردنی ناوچەی ئارام لە سوریا، شەڕ لەنێوان هێزی ڕزگاری عەفرین و سوپای تورکیادا ڕویدا، بەهۆیەوە شەڕڤانێک گیانی لەدەستدا و چەند سەبازێکی تورکیاش کوژران. , بەپێی ڕاگەیەندراوێکی هێزی ڕزگاری عەفرین: "شەوی ڕابردوو پاش بۆردوومانکردنی ناوچەی شەرا لە عەفرین لەلایەن تورکیاوە، شەڕڤانێکمان گیانی لەدەستداوە". , ئاماژە بەوەشکراوە، پاش بۆردوومانەکە هێڕشیان کردووەتە سەر بنکەیەکی سەربازی تورکیا لە سنورەکە و شەڕ لەنێوان هێزەکانیان و سوپای تورکیا دروستبووە، شەڕەکە تا بەرەبەیانی ئەمڕۆ بەردەوام بووە. , لە ڕاگەیەندراوەکەی هێزی ڕزگای عەفرین باس لەوەشكراوە، لە شەڕەکەدا  چەند سەربازێکی تورکیا کوژراون و برینداربوون. , جێی ئاماژەیە، پاش چەند کۆبوونەوەیەکی بەرپرسانی ئەمریکا و تورکیا، دوێنێ پێنجشەممە 8ی ئابی 2019 ڕەجەب تەیب ئەردۆگان، سەرۆککۆماری تورکیا ڕایگەیاند، لەسەر چەند خاڵێک بۆ دروستکردنی ناوچەی ئارام لە سوریا ڕێککەوتوون و ناوەندێکی ئۆپراسیۆنی هاوبەشی تورکیا و ئەمریکا پێکدەهێنن. , ,