گه‌ڕان

Shadow Shadow
سیاسه‌تی

كام لایەن دەستپێشخەربوو؟

‎نهێنی شەوی پێكدادانەكەی نێوان ڕەوتی سەدری و لایەنەكانی نزیك لە ئێران لە ناوچەی سەوز

2022.09.02 - 19:47
App store icon Play store icon Play store icon
‎نهێنی شەوی پێكدادانەكەی نێوان ڕەوتی سەدری و لایەنەكانی نزیك لە ئێران لە ناوچەی سەوز

ناس كورد-

پەیمانگای واشنتۆن لە ڕاپۆرتێكدا بڵاویكردووەتەوە، چەند یەكەیەكی حەشدی شەعبی نزیك لە ئێران سەرەتا تەقەیان كردووە لە ڕووبەڕووبوونەوەكەی ئەم دواییانەی لەناو "ناوچەی سەوز" لە بەغدا، ئەوەش وای لە خۆپیشاندەرانی سەدری كرد پەنا ببەنە بەر تەقەكردن بە چەكی قورسەوە.

کەناڵی ناس کورد لە تێلیگرام جۆین بکە   

 

لە راپۆرتەکەدا کە مایك نایتس، پسپۆڕی كاروباری عێراقی لە پەیمانگای واشنتۆن ئامادەیكردووە و لەلایەن وەرگێڕدراوە (2ی ئەیلولی2022) هاتووە، لە ڕۆژانی 29 و 30ی ئابدا، چەكدارانی سەرایا سەلامی سەر بە ڕەوتی سەدر بە فیشەک و هاوەن و ئاڕ بی جی ناوچەی سەوزی بەغدایان بۆردومان كرد، بەڵام هیچ كەسێك تیشكی نەخستەسەر ئەوەی سەرەتا گروپە چەكدارەكانی حەشدی شەعبی نزیك لە ئێران تەقەیان لە كۆشكی كۆماری كردووە كە خۆپیشاندەرانی سەدری تێدابووە، ئەوەش وایکرد خۆپیشاندەرانی سەدر کە زۆربەیان لەو کاتەدا بێچەک بوون، بکشێنەوە و ژمارەیەکی زیاتر لە لایەنگرانی کۆبکەنەوە و چەك هەڵبگرن و بە چەكی قورسەوە بگەڕێنەوە. 

  

 چۆن توندوتیژی سەریهەڵدا؟

 لە راپۆرتەكەدا وردەكاریی گرژییەكانی دەخاتەڕوو و دەڵێت: رۆژی 29ی ئاب، لایەنگرانی رەوتی سەدری بۆ یەكەمجار چوونەناو كۆشكی كۆماری لە ناوچەی سەوز، ئەم کۆشکە دەکەوێتە ناوەندی ناوچەکەوە،  شایەنی باسە لە شەقامەکانی دەوروبەری كۆشكەكە ئۆفیس و بارەگاكانی لایەنەكانی حەشدی نزیك لە ئێرانی وەك كەتیبەكانی حیزبوڵڵا، عەسائیبی ئەهلی حەق و بزوتنەوەی نوجەبای تێدایە، کاتێک سەدرییەکان ڕژانە ناوچەکە، ئەم لایەنانە تەقەیان کرد و ناچاریان کردن بگەڕێنەوە بۆ دەروازەکانی باکووری ناوچەی سەوز.

  

 لە راپۆرتەكەدا هاتووە، دوای ئەوە، هێزەكانی ڕەوتی سەدر ریزەكانیان كۆكردۆتەوە و چەكیان هێناوە و دەستیان كردووە تەقە.

 

ڕاپۆرتەكە باس لەوە دەكات كە هێزە ئەمنییە فەرمییەكان ئاستێكی بەرزی دانبەخۆداگرتنیان پیشان داوە لە وەڵامنەدانەوەی شەڕەكە، چونکە بە فەرمانی راستەوخۆی مستەفا کازمی، فەرماندەی گشتیی هێزە چەكدارەكانی عێراق رێگرییان لێكراوە. تەقە بكەن، بەڵام قەناس بەدەستەکانی هێزەکانی حەشدی شەعبی نزیك لە ئێران بەردەوام بوون لە تەقەکردن لە لایەنگرانی سەدر و ئەوانیش بە نۆرە وەڵامیان دایەوە.  تا شەو، ئاژاوە شوێنەکەی گرتەوە و خۆپیشاندەرانی سەدر بە تەواوی لە کۆنتڕۆڵ دەرچوون و بە دۆشکە و موشەکی (RPG) هێرشیان کردە سەر "ناوچەی سەوز".

 

  

 سەقامگیری عێراق پێویستی بە ناوەندێکی حوکمڕانی سەقامگیر هەیە

 لە راپۆرتەکەدا ئاماژە بەوە کراوە کە لە کاتی رووبەڕووبوونەوەکاندا، هەموو توخمێکی هێزە ئەمنییەکانی عێراق پلەیەکی بەرزی خۆگرتنیان نیشانداوە، جگە لە هێزەکانی کۆکردنەوەی جەماوەری.  وە کوتلەکانی سەر بە ڕەوتی سەدری.  هەروەها چەکدارانی هێزەکانی کۆکردنەوە دەستیان کرد بە بەکارهێنانی تەقەمەنی زیندوو لە دژی خەڵکی مەدەنی بێچەک لەناو ناوچەی نێودەوڵەتی.  نووسەری راپۆرتەكە جەخت لەسەر پێویستی "دەركردنی سەرجەم یەكەكانی كۆكردنەوەی جەماوەریی لە ناوچەكە دەكاتەوە، نەك تەنیا لە پێناو پاراستنی یەكپارچەیی حكوومەتی عێراق، بەڵكو بۆ ئەندامانی فەیلەقی دیپلۆماسی لەوێش".