گه‌ڕان

Shadow Shadow
سیاسه‌تی

’’براکەى کوشتویەتى’’

دۆسیەى گوماناوى ’’خۆکوشتنى’’ کچێک لەسلێمانى یەکلایی کرایەوە

2022.09.01 - 09:29
App store icon Play store icon Play store icon
دۆسیەى گوماناوى ’’خۆکوشتنى’’ کچێک لەسلێمانى یەکلایی کرایەوە

ناس کورد-

 

پۆلیسى سلێمانى رایگەیاند، ئەو کچەى لەلایەن کەسوکارەکەیەوە هۆکارى گیان لەدەستدانى بۆ خۆهەڵدان لە بیناى دووەمى ماڵەکەیانەوە دەگەڕێنرایەوە دەرکەوت خۆى نەکوشتووە و لەلایەن براکەیەوە کوژراوە.

کەناڵی ناس کورد لە تێلیگرام جۆین بکە   

 

کچەکە ناوی (ك، م، پ  لەدایكبووی 1993)ە، رؤذى  12ی8ی 2022 تەرمەکەى گەیەنرایە پزیشکى دادى سلێمانى و کەسوکارەکەى ڕایانگەیاند كە لەنهۆمی دووەمی ماڵی خۆیان خۆی هەڵداوەتە خوارەوە.

 

بەپێی راگەیەنراوێکى پۆلیس (1-9-2022)، گومان لەڕوداوەكە لای ھێزەکانی پۆلیسی سلێمانی دروستبوو، مەفرەزەكانی بنكەی پۆلیسی كوردسات و تیمەكانی بەشی پۆلیسی بەڵگەی تاوان چوونە شوێنی ڕوداوەكەو كەشف و هێڵكاریی بۆ شوێنی ڕوداوەكە كراو لێكۆڵینەوەكان بەردەوام بوون.

 

ئاماژە بەوەشکراوە، سەرەنجام دەركەوت كە کوژراوەکە خۆی هەڵنەداوەتە خوارەوە، بەڵكو لەلایەن براكەیەوە بەناوی (ق، م، پ لەدایكبووی 1994) بەهۆی كێشەیەكی خێزانییەوە بەپارچە ئاسنێک لێی دراوەو بەهۆی سەختی برینەكەیەوە لەماڵەوە گیانی لەدەستداوە و ئەمڕۆ بکوژەکە دەستگیرکرا.

 

دەقى راگەیەنراوەکە:

 

مەفرەزەكانی بنكەی پۆلیسی كوردسات بكوژێكیان دەستگیركرد كە خوشكەكەی خۆی کوشتبوو.

 

لەبەرواری 12ی8ی 2022، بنكەی پۆلیسی كوردسات ئاگاداركرایەوە لەبونی تەرمێك بە ناوی (ك، م، پ  لەدایكبووی 1993) لەپزیشكی دادوەری سلێمانی، ووتەی كەسوكاری وەرگیراو ڕایانگەیاند كە لەنهۆمی دووەمی ماڵی خۆیان خۆی هەڵداوەتە خوارەوە.

 

گومان لەڕوداوەكە لای ھێزەکانی پۆلیسی سلێمانی دروستبوو، مەفرەزەكانی بنكەی پۆلیسی كوردسات و تیمەكانی بەشی پۆلیسی بەڵگەی تاوان چوونە شوێنی ڕوداوەكەو كەشف و هێڵكاریی بۆ شوێنی ڕوداوەكە كراو لێكۆڵینەوەكان بەردەوام بوون، سەرەنجام دەركەوت كە کوژراوەکە خۆی هەڵنەداوەتە خوارەوە، بەڵكو لەلایەن براكەیەوە بەناوی (ق، م، پ لەدایكبووی 1994) بەهۆی كێشەیەكی خێزانییەوە بەپارچە ئاسنێک لێی دراوەو بەهۆی سەختی برینەكەیەوە لەماڵەوە گیانی لەدەستداوە.

 

لەئێستادا تاوانبار بەبڕیاری بەڕێز دادوەرو بەپێی ماددەی 405 لەیاسای سزادانی عێراقی ڕاگیراوەو دانی بەتاوانەكەیدا ناوە.

 

بەڕێوەبەرایەتی پۆلیسی پارێزگای سلێمانی – ڕاگەیاندن و پەیوەندییەكان