گه‌ڕان

Shadow Shadow
سیاسه‌تی

کۆمەڵ: ئەوەی ئێستا دەیبینین دەرئەنجامی هەڵبژاردنە پر لە ساختەکاریەکەی ڕابردووەوە

2022.08.30 - 12:46
App store icon Play store icon Play store icon
کۆمەڵ: ئەوەی ئێستا دەیبینین دەرئەنجامی هەڵبژاردنە پر لە ساختەکاریەکەی ڕابردووەوە

ناس کورد-

کۆمەڵی دادگەری ڕایگەیاند، "ئەوەی ئێستا لە عێراق دەیبینین، دەرئەنجامی هەڵبژاردنە پر لە ساختەکاریەکەی ساڵی ڕابردووە کە هەندێک لایەن لەپێناو بەرژەوەندی حزبی وشەخسی خۆیان عێراقیان بەم دۆخە گەیاند." ‎

کەناڵی ناس کورد لە تێلیگرام جۆین بکە   

 

 

کۆمەڵی دادگەری لە ڕاگەیەنراوێکدا (29ی ئابی 2022) دەڵێت، "‎ئەولایەنە سیاسیانەی پشکیان لەدامەزراوە حکومیەکاندا هەیە، بەرپرسیاری یەکەمن لەبەرامبەر ئەو دۆخەی لە عێراق ڕودەدات و خوێنی هاولاتیان بەناحەق دەرێژرێت."

 

دەشڵێت، "‎ئێمە لەکۆمەڵی دادگەری کوردستان نیگەرانی خۆمان دەردەبڕین، ئیدانەی هەر هەنگاوێک دەکەین کە عێراق بەرەو پشێوی و ئاڵۆزی زیاتر ببات و ئەگەری شەڕی نێوخۆی لێ بکەوێتەوە."


"‏‎هیوادارین هەموو ئەو لایەنانەی هێزی چەکداریان هەیە بە بەرپرسیاریەتیەوە لە بارودۆخەکە بروانن و، ڕێگری بکەن لە سەرهەڵدانی هەرجۆرە پێکدادانێکی نێوخۆیی،" کۆمەڵی دادگەری وا دەڵێت.


دەشڵێت، "‏‎گەلانی عێراق ساڵانێکی زۆرە قوربانی شەڕ و ئاڵۆزییە نێوخۆیی و دەرەکیەکانە و، چی تر تەحەمولی شەڕ و ماڵوێرانی زیاتر ناکەن."


"‏‎هیوادارین هەمولایەنەکان لەئاستی بەرپرسیارێتیدابن و هەنگاوی پەلەو جدی بنێن لەپێناو کۆتایی هێنان بە شەرو ئاڵۆزیەکان و دەست بکەن بەگفتوگۆی نیشتمانی کە تەنها بەرژەوەندیەکانی گەلان و خاکی عێراق تیایدا لەبەرچاوبگیرێت."