گه‌ڕان

Shadow Shadow
سیاسه‌تی

وردەکاریی

پێشبینى بۆ وەرزى باران بارینى ئەمساڵ

2022.08.26 - 22:19
App store icon Play store icon Play store icon
پێشبینى بۆ وەرزى باران بارینى ئەمساڵ

ناس کورد-

 

شارەزایەکى کەشناسی پێشبینیدەکات ئەمساڵ لەسەرجەم ناوچەکان بڕی پێویست باران و بەفر ببارێت و وشکەساڵى نەبێت.

کەناڵی ناس کورد لە تێلیگرام جۆین بکە   

 

ئاراس جەبار (26-8-2022) لە بڵاوکراوەیەکدا ئاماژەى بەوەکردووە، بە وەرگرتنی تێکرایی پێشبینی و خوێندنەوەی مۆدێلەکانی کەشوھەوا وەرزی پایز بەگشتی ئاستی بارانبارین لە خوار تێکرایی ئاسایی دەبێت پلەکانی گەرما لە چاو ساڵانی ڕابردوو نزمتر دەبێت و پایزێکی فێنکتر دەبێت.

 

دەشڵێت، وەرزی زستان ئاستی بارانبارین زیاد دەبێتەوە بۆ ئاستی ئاسایی ساڵانە یان زیاتر و پلەکانی گەرما بە زۆری لەخوار ئاستی ئاسایی ساڵانەوە دەبن و زستانێکی سەخت و سارد دەبێت لەگەڵ ھاتنی رێژەیەکی زیاتری شەپۆلە جەمسەریەکان لەچاو ساڵانی ڕابردوو و بارینی بەفری زیاتر لەناوچەکەدا و بەتایبەت ناوچە شاخاویەکان کە ئەمەش سودی بەرچاوی ئەبێت بۆ بوژاندنەوەی سەرچاوەکانی ئاوی ژێر زەوی و سەر زەوی.

 

بەپێی پێشبینى ئەو شارەزایە، وەرزی بەھار ئاستی بارانبارین بۆ سەروو ئاستی ئاسایی ساڵانە بەرز دەبێتەوە بەھارێکی پر باراناوی دەبێت.  

    

هەروەها پێیوایە، ئەگەری ڕوودانی وشکە ساڵی نابێت و بەپێی سەرجەم خوێندنەوەکان ئەم ئەگەرە لاوازە و لەسەرجەم ناوچەکان بڕی پێویست باران و بەفر دەبارێت.