گه‌ڕان

Shadow Shadow
سیاسه‌تی

زانیارى زیاتر

ئەمەریکا: پەیامێکى رونمان بۆ هێزەکانى ئێران نارد

2022.08.26 - 10:49
App store icon Play store icon Play store icon
ئەمەریکا: پەیامێکى رونمان بۆ هێزەکانى ئێران نارد

ناس کورد-

 

وەزارەتى بەرگرى ئەمەریکا (پنتاگۆن) بەئامانج گرتنى گروپە چەکدارەکانى نزیک لە ئێران لەلایەن هاوپەیمانانەوە لە سوریا، بە ناردنى پەمێکى روون ناوبرد بۆ ئەو گروپانە، لە وەڵامى هێرشەکانیان بۆ سەر سەربازانى ئەمەریکا.

کەناڵی ناس کورد لە تێلیگرام جۆین بکە   

 

پاتریک رایدەر وتەبێژی وەزارەتی بەرگریی ئەمەریکا لە کۆنفرانسێکى رۆژنامەنوسیدا وتى "گروپەکانى سەر بە ئێران خۆیان تاقیدەکەنەوە و دەیانەوێت بزانن کە ئێمە چۆن وەڵامیان دەدەینەوە".

 

وتیشى "هێرشەکەمان بۆ سەر ئەو گروپانە پەیامێکى روون بوو، تا تێبگەن کە هێرشکردنە سەر هێزەکانى ئەمەریکا جێگەى قبوڵکردن نییە".

 

لەچەند رۆژى رابردوودا سوپای ئەمریکا بە فەرمانی ڕاستەوخۆی بایدن، 11 پێگەی گرووپە چەکدارەکانی نزیک لە ئێرانی لە ناوچەی دێرەزوور لە رۆژهەڵاتی سووریا کردووەتە ئامانج و پێش هێرشەکەش، 400 کاژێر چاودێریی ناوچەکەیان کردووە.  

 

فەرماندەی فەرماندەیی ناوەندی سوپای ئەمریکا لە ڕاگەیەنراوێكدا (24ی ئابی 2022) وتی، لە ئاسمانەوە چەندین بنکە و حەشارگەی گرووپەکانی نزیک لە سوپای پاسدارانیان لە سووریا کردووەتە ئامانج، ئەمەش هەفتەیەک لە دوای ‌هێرشەکەی ئەو گرووپانە دێت بۆ سەر سەربازانی ئەمریکا لە گوندی سەوز لە نزیک سنووری عێراق.  

  

کۆلۆنێل جۆ بوچیانۆ، گوتەبێژی فەرماندەی فەرماندەیی سوپای ئەمریکا لە راگەیەنراوێکدا دەڵێت کە ئامانج لەو هێرشانە پاراستنی سەربازانی ئەمریکا بووە لەو جۆرە هێرشانەی 15ی ئابی رابردوو کرابوون.  

 

بەهۆى هێرشەکانەوە لە کەمتر لە 24 کاتژمێردا نۆ ئەندامى گروپە چەکدارەکانى نزیک لە ئێران بەبۆردومانى هێزەکانى هاوپەیمانان لە سوریا کوژران، ژمارەیەک سەربازى ئەمریکیش بەهۆى هێرشى گروپەکانەوە برینداربوون، ئەوەش بەپێی روانگەى سورى بۆ مافەکانى مرۆڤ.  

  

روانگەى سورى (25-8-2022) لەسەر پێگەى فەرمى خۆى بڵاویکردەوە، ژمارەیەک سەربازی هێزەکانی ئەمەریکا بە پلەی جیاواز بریندار بوون، لە ئەنجامی ئەو هێرشانەى لە پێگەکانی گروپەکانى نزیک ئێرانەوە سەرچاوەیان گرتووە، بۆسەر بنکەی کێڵگەی غازی “کۆنیکۆ” لە دەوروبەرى دێرەزور.