گه‌ڕان

Shadow Shadow
سیاسه‌تی

بزانە بۆچی

چەند زانیارییەک لەبارەی داهاتی دەروازەی باشماخ بڵاودەکرێتەوە

2022.08.25 - 18:14
App store icon Play store icon Play store icon
چەند زانیارییەک لەبارەی داهاتی دەروازەی باشماخ بڵاودەکرێتەوە

ناس کورد- 

 

ئەندامێکی لیژنەی دارایی لە پەرلەمانی کوردستان  ڕایگەیاند، هۆکاری کەمبوونەوەی داهاتی دەروازەی سنوریی باشماخ ئەوەیە کە پابەند نییە بە بڕیار و ڕاسپاردەکانی حکومەتی هەرێم و قۆرخکاری و کاری نایاسایی تێیدا بەردەوامە. 

کەناڵی ناس کورد لە تێلیگرام جۆین بکە   

 

لە ڕاگەیەنراوێکدا لیزا فەلەکەدین کاکەی ئەندامی لیژنەی دارایی لە فراکسیۆنی پارتی لە پەرلەمانی کوردستان (پێنجشەممە 25-8-2022) ڕایگەیاند، "پێش چەند ڕۆژێک ژووری بازرگانیی پارێزگای سنە لە ڕۆژهەڵاتی کوردستان هۆشداریان دا کە ئەگەر دۆخی دەروازەی باشماخ ڕێک نەخرێتەوە بازرگانەکان ناچار دەبن ڕوو لە دەروازە سنوورییەکانی دیکە بکەن و کۆتایی بە ئاڵوگۆڕە بازرگانیەکانیان لە ڕێگەی خاڵی سنووری باشماخەوە بهێنن." 

 

ئاماژەی بەوەشکردووە، "زیاد بوونی ڕێژەی داهات لە حاجی ئۆمەران بەهۆی جێبەجێکردنی ڕاسپاردەکانی سەرۆکی حوکمەتی هەرێم بووە ئامانجیش کۆتاییهێنان بە قۆرخکاری و ڕۆتینات بووە لەخاڵە سنوورییەکان و تا ئێستا پڕۆسەکە بەردەوامە و سەرکەوتوو بووە." 

 

ئەو پەرلەمانتارەی پارتی دەڵێت، "کەواتە بەڵێ زیادبوونی داهات لە خاڵی سنووری حاجی ئۆمەران یەکێکە لە دەسکەوتەکانی ئەم کابینەیە و ئەگەر لە سەرجەم خاڵە سنوورییەکان ڕاسپاردەکان وەکو خۆی جێبەجێ بکرایە، بێگومان جوڵە بازرگانییەکانی باشماخ دەبووژایەوە و داهاتیش دوو بەرامبەر زیادی دەکرد." 

 

لیزا کاکەیی ئاماژەی بەوەشکردووە، "هیچ وڵاتێک و هیچ بازرگانێک ئامادە نییە ئاڵوگۆری بازرگانی لەگەڵ خاڵی سنووری هەرێمێک بکات کە پابەند نییە بە بڕیار و ڕاسپاردەکانی حکومەتەکەی، سەقامگیری و سەروەری یاسا دوو فاکتەری کاریگەرن کە بازرگان بەدوایدا دەگەڕێت و لەهەر کوێیەک دۆزییەوە ڕوو لەوێ دەکات، بۆیە باشتر وایە خوێندنەوەی جیاواز بۆ ئەم بابەتە نەکرێت و بە هێنانەوەی بیانووی جیاواز ڕاستی و دروستی بابەتەکە بەلاڕێدا نەبردرێت."