گه‌ڕان

Shadow Shadow
سیاسه‌تی

زانیارى زیاتر

ئاسایشى سلێمانى سکاڵا لەسەر پەرلەمانتارێک تۆمار دەکات

2022.08.25 - 14:27
App store icon Play store icon Play store icon
ئاسایشى سلێمانى سکاڵا لەسەر پەرلەمانتارێک تۆمار دەکات

ناس کورد-

 

ئاسایشى سلێمانى رایگەیاند، سکاڵا لەسەر محەمەد ئیسماعیل ئەندامى پەرلەمانى عێراق تۆماردەکات، بەتۆمەتى "بەخشینەوەی تۆمەتی ناڕەوا بۆ هێزەکانی ئاسایش".

کەناڵی ناس کورد لە تێلیگرام جۆین بکە   

 

ئایاسایش لە راگەیەنراوێکدا ئاماژەى بەوەکردووە، لەبەرامبەر چەندین جار دووبارە بوونەوەی ئەم تۆمەت بەخشینەوانە و دانانی سنورێک بۆ ئەو جۆرە کەسانە، سکاڵا تۆماردەکەن.

 

دەقى راگەیەنراوەکە:

 

ئاسایشی سلێمانی وەک دەزگایەکی نیشتیمانی بەرپرسیار پابەند بەیاسا بەرکارەکانی ھەرێم و پرنسیپه‌كانی ئازادی و مافه‌كانی مرۆڤ ، ئەرکی دابینکردنی ئاسایش و ئارامی خەڵکی کوردستان و شاری سلێمانی بەتایبەتی بەئەمانەتەوە بەجێدەگەیەنێت و تواناو ھێزی ھەواڵگری و سەربازیمان خستۆتە خزمەتی خەڵکەوە .

ھێزەکانمان ھەردەم ماندوونەناسانە لەهەوڵ و هیمەتی بەردەوامدان لەپێناو پارێزگاری لە سەرو ماڵی هاوڵاتیان ، لەو پێناوەشدا درێغیمان نەکردووە و نایکەین  لە ڕووبەڕوو بوونەوەی دوژمنانی ئەم گەلە لە تیرۆریستان و یاسا شکێنان و ھەڵھاتوان لەدادگا ، کەئەمە ئەرکی ئێمەیەو دڵسۆزانە رایدەپەڕێنین .

  • ئەوەی جێی داخە کەسانێک لەژێر چەتری هەندێک کۆمپانیاو لایەنی سیاسی یان پیشەی پیرۆزی ڕاگەیاندنکاریدا لێرەو لەوێ پشتیوانی تیرۆریستان و دوژمنانی ئەم گەلە دەکەن ، بە تۆمەتی ناڕەوا هەوڵی لەکەدارکردنی هێزەکانمان دەدەن و بوختان و ھەواڵی ناڕاست دادەتاشن .

 

بۆکۆمەڵانی خەڵکی کوردستانی رووندەکەینەوە بەھای هێزەکانی ئاسایش بەو جۆرە کەسە ئاست نزمانە لەکەدار نابێت کە بەبێ بەڵگە و زانیاری دروست ژەھری پڕوپاگەندە بڵاودەکەنەوە کە  بەمەرامەکانشیان رووی ناشرینی تیرۆریستان بە قسە و پشتیوانی ئەو جۆرە کەسانە ئارایشت نابێت .

 

بۆھەموولایەکی ڕووندەکەینەوە لەبەرامبەر چەندین جار دووبارە بوونەوەی ئەم تۆمەت بەخشینەوانە و دانانی سنورێک بۆ ئەو جۆرە کەسانە ، وەک بەڕێوەبەرایەتی ئاسایشی سلێمانی ڕێکار و سکاڵای یاسایی تۆمار دەکەین دژ بە هەریەک لە :

- ( محەمەد ئیسماعیل عومەر ) کە لەژێرناوی کاری پەرلەمانیدا هەستاوە بە بەخشینەوەی تۆمەتی ناڕەوا بۆ هێزەکانی ئاسایش .

-کاروان محەمەد  پەیامنێری کەناڵی NRT کە لە سۆشیال میدیادا بە ئاشکرا پشتیوانی خۆی بۆ تیرۆریستان راگەیاندووە !

لێرەوە دووپاتی دەکەینەوە ئێمە وەک بەڕێوەبەرایەتی ئاسایشی سلێمانی سەرەڕای بانگەشەی لەیاسا دەرچوان و هەوڵی نەزۆکی تیرۆریستان بەردەوام بەپاڵپشتی یاساو دەسەڵاتی دادوەری بە پشیوانی خوای گەورە و خەڵکی کوردستان لەخەمی پاراستنی سەروماڵی ھاووڵاتیاندا دەبین و لە پێناو سەقامگیری و ئارامی ھەرێم شەونخونی دەکەین

و بەگیانی خۆمان ئارامییەکەمان دەپارێزین .

                           لەگەڵ رێزماندا ..

بەڕێوەبەرایەتی ئاسایشی پارێزگای سلێمانی

٢٠٢٢/٨/٢٥